70 ஆண்டுகளுக்கும் மேலான பாரம்பரியச் சிறப்புடன், இலங்கையின் புகழ்பூத்த பிஸ்கட் உற்பத்தி நிறுவனமாகத் திகழ்ந்து வருகின்ற மலிபன், எல்லைகளைத் தாண்டிச் செல்லும் மற்றும் சாத்தியக்கூறுகளை மறுபரீசிலனை செய்து சிறப்பிக்கச் செய்யும் திறனை மீண்டும் ஒரு தடவை நிரூபித்துள்ளது. Dragons of Sri Lanka Awards 2025 விருதுகள் நிகழ்வில் முதல்முறையாகப் பங்குபற்றிய இந்நிறுவனம், பல்வேறு பிரிவுகள் மத்தியில் 1 தங்கம், 1 வெள்ளி, மற்றும் Black Dragon விருதுகளை வென்றுள்ளமை பாராட்டத்தக்கதொரு சாதனையாகும்.
புகழ்பெற்ற Dragons of Asia வலையமைப்பின் அங்கமான Dragons of Sri Lanka ஆனது திருப்புமுனையை ஏற்படுத்தும் படைப்பாக்கத்திறன் மற்றும் சிறந்த பலனை விளைவித்த சந்தைப்படுத்தல் ஆகியவற்றைக் கொண்டாடுகின்றது. உத்வேகமளிக்கும் சிந்தனைப் படைப்புக்கள், வழக்கத்திற்கு சவால்விட்டு புரட்சியை ஏற்படுத்தும் விளம்பர பிரச்சாரங்கள், மற்றும் நீண்ட காலம் நீடித்து நிலைக்கும் மதிப்பைத் தோற்றுவிக்கும் ஒத்துழைப்புக்கள் ஆகியவற்றில் இந்நிறுவனம் நீண்ட காலமாகப் பேணி வருகின்ற நம்பிக்கையை மலிபன் ஈட்டியுள்ள வெற்றிகள் பிரதிபலிக்கின்றன.
நிறுவன தொடர்பாடல்களுக்கான குழும தலைமை அதிகாரி போசித பெரேரா அவர்கள் இச்சாதனை குறித்து கருத்து வெளியிடுகையில்:
“இவ்விருதுகள் வெறுமனே அங்கீகாரம் என்பதற்கும் அப்பால், பெரும் பற்றுடன் முன்வைக்கப்படும், தைரியமான சிந்தனைகள் உண்மையான மாற்றத்தை ஏற்படுத்த வல்லன என்பதை நிரூபிக்கின்றன. ஒரு வர்த்தகநாமம் என்ற ரீதியில் மலிபன் எப்போதும் புத்தாக்கம் மற்றும் முன்னுதாரணமான பணிகளைச் சிறப்பாக முன்னெடுத்துள்ளது. Dragons விருதுகள் நிகழ்வில் பங்குபற்றிய முதற் தடவையிலேயே பல விருதுகளை தனதாக்கியுள்ளமை, படைப்பாக்கத்திறன் மற்றும் ஒத்துழைப்பு ஆகியவற்றின் மீது நாம் கொண்டுள்ள நம்பிக்கையை மீண்டும் உறுதிப்படுத்தியுள்ளன.”
இந்த விளம்பர பிராச்சாரங்களுக்கு உயிரளிப்பதற்கு மூலகாரணமான படைப்பாக்கத்திறன் மற்றும் அர்ப்பணிப்பு ஆகியவற்றுக்காக தனது விளம்பர பங்காளர் நிறுவனங்களான MullenLowe, LoweActive, Ogilvy Media, மற்றும் ArtsLab ஆகியவற்றுக்கு மலிபன் தனது நன்றிகளை வெளிப்படுத்தியுள்ளது.
70 ஆண்டுகள் மகத்துவத்திற்கும் அப்பால் தனது பயணத்தை தொடர்ந்தும் சிறப்பாக முன்னெடுத்து வருகின்ற ஒரு நிறுவனம் என்ற ரீதியில், பிஸ்கட்டுக்களை உற்பத்தி செய்வதனூடாக மாத்திரமன்றி, புத்தாக்கத்தை முன்னெடுத்து, நுகர்வோருக்கு உத்வேகமளித்து, மற்றும் இலங்கையில் வர்த்தகநாம விளம்பர கதை வடிவத்தில் புதிய தராதரங்களை நிலைநாட்டி வரலாறு படைக்கும் மலிபன் நிறுவனத்தின் இலக்கில் மற்றுமொரு முன்னோக்கிய படியாக இவ்வெற்றிகள் அமைந்துள்ளன.
