குடியிருப்புகளின் உரிமையாண்மை அனுபவத்தை மாற்றியமைக்கும் முன்னணி டிஜிட்டல் தீர்வுகளை அறிமுகப்படுத்துவதில் முன்னோடியாகத் திகழும் இலங்கையின் ரியல் எஸ்டேட் வடிவமைப்பாளரான Prime Group, கொள்முதல், நிர்மாணம், செயற்திட்ட முகாமைத்துவம் மற்றும் வாடிக்கையாளர் செயற்பாட்டு பாய்ச்சல்கள் ஆகியவற்றில் ஐந்தாண்டு பரந்த டிஜிட்டல் மயமாக்கல் செயற்திட்டத்தை பூர்த்தி செய்து, இலங்கையர்களின் குடிமனைக் கனவுகளை நனவாக்கிக் கொள்வதற்கு அவசியமான புரட்சிகரமான டிஜிட்டல் சாதனங்களை அறிமுகம் செய்துள்ளது.
சந்தையில் ஏற்கனவே தயார்ப்படுத்தப்பட்ட டிஜிட்டல் தீர்வுகள் காணப்பட்ட போதிலும், Prime Group இன் தெரிவு, சகல புத்தாக்கப் பணிகளையும் ஓரிடத்தில் கொண்டிருக்கும் ஒரு ஒன்றிணைக்கப்பட்ட கட்டமைப்பை உருவாக்குவதாக அமைந்திருந்தது. அவ்வாறான பரிபூரண வழிமுறையினூடாக, வாடிக்கையாளர்களது வீட்டு உரிமையாண்மை கனவு நனவாகும் வரையில் ஒப்பற்ற சௌகரியம், வெளிப்படைத்தன்மை மற்றும் வினைத்திறன் போன்றன உறுதி செய்யப்படும்.
ரியல் எஸ்டேட்டில் சிறப்பு, அணுகல் மற்றும் சௌகரியம் ஆகியவற்றை Prime Group மாற்றியமைத்து வருவதுடன், தொலைநோக்குடைய செயற்பாடுகளுக்கு வலுச்சேர்த்து, ஒவ்வொரு வாடிக்கையாளருக்கும் ஒப்பற்ற பயணத்தை அனுபவிப்பதற்கான வாய்ப்பையும் வழங்கும். மேலும் தொழில்னுட்பத்தை பயன்படுத்தி வீடமைப்பு செயற்பாடுகளை முன்னெடுக்கும் Prime Group, ஒவ்வொரு செயற்பாட்டிலும் வாடிக்கையாளருக்கு முன்னுரிமை எனும் மனநிலையை பின்பற்றுகிறது.
இலங்கையில் முதன் முறையாக, ரியல் எஸ்டேட் தொடர்பான விசாரணைகளை மேற்கொள்வதற்காக 1322 எனும் நான்கு இலக்க ஹொட்லைனை Prime Group அறிமுகம் செய்துள்ளது. வாடிக்கையாளர்களை மையப்படுத்திய இந்தப் புத்தாக்கம், இல்லங்கள் பற்றிய தகவல்கள், நிபுணத்துவ வழிகாட்டல்கள் மற்றும் தொலைபேசி அழைப்பினூடாக ஆதரவளித்தல் போன்றவற்றை வழங்கி, இலங்கையில் வீட்டின் உரிமையாண்மையை கொண்டிருக்கும் வாய்ப்பை விரிவாக்கம் செய்துள்ளது.
புத்தாக்கத்தை தூண்டும் மூலோபாய கைகோர்ப்பினூடாக, DFCC வங்கியின் API வங்கியியல் கட்டமைப்பை (iConnect) பின்பற்றும் இலங்கையின் முதலாவது கூட்டாண்மை வாடிக்கையாளராக Prime Group திகழ்கிறது. DFCC வங்கியுடனான தொழிற்துறையின் முதலாவது பங்காண்மையினால் கடதாசி பாவனையற்ற கொடுப்பனவுகள் மேற்கொள்ளும் வசதி வழங்கப்படுவதுடன், நிதித்தொழில்னுட்ப முன்னோடியாக Prime Group திகழச் செய்துள்ளது.
மனிதவலு கொண்ட செயற்பாடுகள் மற்றும் கிளைகளுக்கான பயணங்களை இல்லாமல் செய்து, Prime Group இனால் வாடிக்கையாளர்களுக்கு மெய்நிகர் கணக்குகள் வழங்கப்பட்டு, அவை உடனுக்குடன் சீராக்கம் செய்யப்படுவது உறுதி செய்யப்படுகின்றது. தொழிற்துறையில் மற்றுமொரு புதிய அறிமுகமாக, வாடிக்கையாளர் கொடுப்பனவுகள் உடனுக்குடன் ஏற்றுக் கொள்ளப்படுவதுடன், தன்னியக்கமயப்படுத்தப்பட்ட பற்றுச்சீட்டுகள் WhatsApp மற்றும் மின்னஞ்சல் வாயிலாக அனுப்பப்படும். இந்தத் தீர்வினூடாக இலங்கையின் ரியல் எஸ்டேட் துறையில் முதலாவது முழுமையான தன்னியக்கமயப்படுத்தப்பட்ட டிஜிட்டல் வைப்பு மற்றும் கொடுப்பனவு கண்காணிப்பு கட்டமைப்பு உருவாக்கப்பட்டுள்ளது.
உச்ச அளவில் பொருந்தும் வகையில் சொத்துக்களின் உரிமையாண்மை வடிவமைக்கப்பட வேண்டும் என்பதில் Prime Group நம்பிக்கை கொண்டுள்ளது. The Prime Edge மொபைல் அப்ளிகேஷன் ஊடாக, முழுமையான ரியல் எஸ்டேட் அனுபவம் நேரடியாக ஸ்மார்ட்ஃபோனுக்கு வழங்கப்படுகிறது. இல்லங்கள் நிர்மாணிக்கப்படுவது என்பது டிஜிட்டல் முறையில் கையாளப்படுவதை வாடிக்கையாளர்கள் அனுபவிக்கலாம். சொத்துகள், கொள்வனவுகளை கண்காணித்தல், கொடுப்பனவுகளை கண்காணித்தல் மற்றும் அறிவுறுத்தல்களினூடாக சொத்துகளை பின்தொடரலாம்.
Prime Group வாடிக்கையாளர்களுக்கு Prime Bee உடன் சொத்துகள் முதலீடு தொடர்பான எதிர்காலத்தில் காலடி தடம் பதிப்பதற்கு அழைப்பு விடுத்துள்ளது. இதன் மூலம் வாடிக்கையாளர்களுக்கு எழுத்துரு மற்றும் குரல்சார் AI-இனால் வலுவூட்டப்பட்ட உதவிசார் வழிகாட்டல்கள் வழங்கப்படும். மேலும் Prime Bee மூலம் தெரிவுகளை பற்றி அறிந்து கொள்வதற்கு, தகவலறிந்த தீர்மானங்களை மேற்கொள்வதற்கு மற்றும் உடனடியாக பிரத்தியேகமான ஆதரவை பெற்றுக் கொள்வதற்கான உதவிகள் வழங்கப்படும்.
Apartner (Pvt) Ltd உடனான பங்காண்மையினூடாக, Prime Group இனால் 43 by the Sea Apartments இற்கு ஸ்மார்ட் சொத்து முகாமைத்துவ தீர்வு அறிமுகம் செய்யப்பட்டிருந்தது. இதனூடாக குடியிருப்பாளர்களுக்கு கட்டணப் பட்டியல்கள், பராமரிப்பு, விருந்தினர் அணுகல் மற்றும் பிரத்தியேகமான app ஊடாக முற்பதிவுகளை மேற்கொள்ளல் போன்றவற்றுக்கு அனுமதியளிக்கப்படும்.
பிரதம தகவல் தொழில்னுட்ப அதிகாரி ரசிக உதயங்கவின் தலைமையில் இயங்கும் Prime இன் உள்ளக தகவல் தொழில்னுட்ப பிரிவினூடாக இந்த புத்தாக்கங்கள் அனைத்தும் SAP மற்றும் உட்கட்டமைப்பு அணிகளினால் முன்னெடுக்கப்படுகின்றன. அவர்களின் நிபுணத்துவத்தினூடாக, வங்கியியல், ERP மற்றும் வாடிக்கையாளர் கட்டமைப்புகள் போன்றன ஒன்றிணைக்கப்படுவதுடன், பாதுகாப்பு மற்றும் ஒப்பற்ற பங்காளர் அனுபவங்கள் உறுதி செய்யப்படுகின்றன.
ரசிக உதயங்க கருத்துத் தெரிவிக்கையில், “Prime இன், தொழில்னுட்ப கட்டமைப்பு என்பது ரியல் எஸ்டேட் அனுபவத்தை ஆரம்பத்திலிருந்து மாற்றியமைக்கும் வகையில் அமைந்துள்ளது. இந்த நிர்மாணப் பயணத்தின் ஒவ்வொரு நிலையிலும் மேம்படுத்தப்பட்ட டிஜிட்டல் சாதனங்களை ஒன்றிணைப்பதனூடாக, Prime Group இனால் ஒப்பற்ற வெளிப்படைத்தன்மை, வினைத்திறன் மற்றும் எமது வாடிக்கையாளர்களுக்கு பெறுமதி ஏற்படுத்திக் கொடுக்கப்படும்.” என்றார்.
இந்த வேறுபட்ட டிஜிட்டல் தீர்வுகளினூடாக, அணுகலில் காணப்படும் சவால்கள், கொடுப்பனவு கையாளல் மற்றும் வாடிக்கையாளர் ஆதரவு போன்றன தொடர்பில் கவனம் செலுத்தப்படுவதுடன், Prime Group ஐ இலங்கையின் ரியல் எஸ்டேட் துறையில் உறுதியான டிஜிட்டல் முன்னோடியாக நிலை நிறுத்துவதற்கும் பங்களிப்புச் செய்து, வெளிப்படைத்தன்மை மற்றும் செயற்பாட்டு சிறப்பு ஆகியவற்றில் புதிய நியமங்களை ஏற்படுத்துவதாகவும் அமைந்துள்ளது.
