வெகுவேகமாக வளர்ச்சி கண்டு வருகின்ற மொபைல் சேவைகள் வழங்குனரான ஹட்ச் ஸ்ரீலங்கா, சர்வதேசரீதியாக அங்கீகாரம் பெற்ற தகவல் பாதுகாப்பு முகாமைத்துவ முறைமை மீதான தனது அர்ப்பணிப்பை மீண்டும் உறுதிப்படுத்தும் வகையில் ISO/IEC 27001:2022 தரச்சான்று அங்கீகாரத்தைப் பெற்றுள்ளது. 2025ல் புதிதாக பெறப்பட்டுள்ள இத்தரச்சான்று அங்கீகாரமானது உலகின் முன்னணி தரச்சான்று அங்கீகார வழங்கல் அமைப்பான UKAS உடன் இணைந்து Bureau Veritas Certification ஆல் வழங்கப்பட்டுள்ளது.
தகவல் பாதுகாப்பு முகாமைத்துவ முறைகளில் (Information Security Management Systems – ISMS) அதியுயர் தராதரங்களை ISO/IEC 27001:2022 தரச்சான்று அங்கீகாரம் வெளிப்படுத்துவதுடன், வாடிக்கையாளர், கூட்டாளர், மற்றும் நிறுவன தரவு விபரங்களைப் பாதுகாக்கும் நெறிமுறைகளில் சர்வதேச ரீதியான தர ஒப்பீட்டு நியமத்தை ஹட்ச் பூர்த்தி செய்வதையும் உறுதிப்படுத்துகின்றது. அனைத்து டிஜிட்டல் உட்கட்டமைப்பு மற்றும் வணிகச் செயல்பாடுகளின் மத்தியிலும் ஆபத்துக்களை இனங்கண்டு, நிர்வகித்து, மற்றும் தணிவிப்பதில் வலுவான அணுகுமுறையை இத்தரச்சான்று அங்கீகாரம் பிரதிபலிக்கின்றது.
இச்சாதனை குறித்து, ஹட்ச் நிறுவனத்தின் பிரதம நிறைவேற்று அதிகாரி சௌமித்ரா குப்தா அவர்கள் கருத்து தெரிவிக்கையில்: “இன்றைய வலுவான டிஜிட்டல் உலகில், தகவல் பாதுகாப்பு என்பது விரும்பினால் முன்னெடுக்கப்பட வேண்டிய ஒரு விடயமல்ல, அது அடிப்படைக் கடமை. எமது வாடிக்கையாளர்களின் தரவு விபரங்களைப் பாதுகாப்பதில் எமது ஓயாத அர்ப்பணிப்பிற்கு முக்கியமான ஒரு சான்றுபடுத்தலாகவும், அவர்கள் எம்மீது வைத்துள்ள நம்பிக்கையை வலுப்படுத்துவதாகவும் ISO/IEC 27001:2022 தரச்சான்று அங்கீகாரம் காணப்படுகின்றது. நாம் அமுல்படுத்தியுள்ள கடுமையான முறைமைகள், பொறுப்புக்கூறல் கலாச்சாரம் மற்றும் ஒவ்வொரு மட்டத்திலும் நாம் எவ்வாறு செயல்படுகிறோம் என்பதற்கு வழிகாட்டும் அவதானம் ஆகியவற்றை இது பிரதிபலிக்கின்றது.”
Bureau Veritas Lanka Pvt Ltd நிறுவனத்தின் இலங்கைக்கான பொது முகாமையாளர் திரு. ஷான் நாணயக்கார அவர்கள் இது குறித்து கருத்து தெரிவிக்கையில்: “தகவல் பாதுகாப்பு குறித்து இந்நிறுவனத்தின் நன்கு கட்டமைக்கப்பட்ட மற்றும் தொடர்ச்சியான அணுகுமுறைக்கு அங்கீகாரமளிக்கும் வகையில் ஹட்ச் நிறுவனத்திற்கு ISO/IEC 27001:2022 தரச்சான்று அங்கீகாரத்தை வழங்குவதையிட்டு மிகவும் மகிழ்ச்சி அடைகின்றோம். மிகச் சிறந்த நடைமுறைகள் மற்றும் இடர் முகாமைத்துவம் குறித்த அவர்களுடைய ஆக்கபூர்வமான அர்ப்பணிப்பு பாராட்டத்தக்கது என்பதுடன், தொலைதொடர்பாடல் துறையிலும் அதற்கு அப்பாலும் மிகச் சிறந்த முன்னுதாரணத்தை நிலைநாட்டியுள்ளது.”
தகவல் பாதுகாப்பு முகாமைத்துவ முறைமைகளை அமுல்படுத்தி, பேணிப் பராமரித்து, மற்றும் தொடர்ச்சியாக மேம்படுத்துவதற்கான விரிவான கட்டமைப்பினை ISO/IEC 27001:2022 தரச்சான்று வழங்குகின்றது. இணைய அச்சுறுத்தல்கள் மற்றும் ஒழுங்குமுறை இணக்கப்பாடு ஆகியவற்றை நிர்வகிப்பதற்கான முக்கிய கருவியாக இது சர்வதேசரீதியாக அங்கீகரிக்கப்பட்டுள்ளதுடன், ஹட்ச் போன்ற நிறுவனங்களுக்கு தமது பிரதான வணிக மூலோபாயங்களில் பாதுகாப்பினை ஒருங்கிணைப்பதற்கு இடமளிக்கின்றது.
இந்த சமீபத்தைய சான்று அங்கீகாரத்துடன், வாடிக்கையாளர்களின் தரவு விபரங்களைப் பாதுகாப்பதற்கு முன்னுரிமையளித்து, மிகை இணைப்புக் கொண்ட இன்றைய உலகில், பரிணாம வளர்ச்சி கண்டுவருகின்ற பாதுகாப்பு சவால்களுக்கு எதிராக உட்கட்டமைப்பினை வலுப்படுத்தி, நம்பிக்கைக்குரிய டிஜிட்டல் கூட்டாளராக தனது வகிபாகத்தை ஹட்ச் மேலும் வலுப்படுத்தியுள்ளது.
ஹட்ச் ஸ்ரீலங்கா தொடர்பான விபரங்கள்
ஹொங்கொங் நாட்டைத் தளமாகக் கொண்ட Fortune 500 நிறுவனங்கள் குழுமமான CK Hutchison Holdings (CKHH) இன் துணை நிறுவனமான ஹட்ச் ஸ்ரீலங்கா, இலங்கையில் தொலைதொடர்பாடல் துறையில் முக்கியமான செயல்பாட்டாளராக தன்னை நிலைநிறுத்தியுள்ளது. 50 க்கும் மேற்பட்ட நாடுகளில் காணப்படுவதுடன், தொலைதொடர்பாடல் உள்ளடங்கலாக ஆறு பாரிய துறைகளில் செயல்பட்டுவருவதுடன், 2023ம் ஆண்டில் சுமார் 60 பில்லியன் அமெரிக்க டொலர் வருமானத்தை CKHH பதிவாக்கியுள்ளது.
1997ம் ஆண்டில் இலங்கை சந்தையில் காலடியெடுத்து வைத்த ஹட்ச், 2004ம் ஆண்டில் GSM சேவையின் அறிமுகத்தைத் தொடர்ந்து, 2011 இல் 3G மற்றும் 2018 இல் 4G என தனது சேவைகளை படிப்படியாக விஸ்தரித்தது. 2019 இல் எடிசலாட் ஸ்ரீலங்கா (Etisalat Sri Lanka) நிறுவனத்தை கொள்முதல் செய்தமை ஹட்ச்சின் சந்தை ஸ்தானத்தை மேலும் வலுப்படுத்தியுள்ளதுடன், 078 மற்றும் 072 என ஆரம்பிக்கும் தொலைபேசி இணைப்பு இலக்கங்களுக்கு சிக்கனமான கட்டணங்களுடன், நம்பகமான சேவைகளை வழங்குவதற்கு இடமளித்துள்ளது. ஹட்ச்சின் 4G வலையமைப்பு இலங்கை சனத்தொகையில் 95% ஐ உள்ளடக்கியுள்ளதுடன், தேசத்தின் டிஜிட்டல் அபிலாஷைகளை அடைவதற்கு உதவும் வகையில் 5G சேவைகளை முன்னெடுப்பதற்கு இந்நிறுவனம் தயாராக உள்ளது.
சிக்கனமான கட்டணங்களுடன், நாட்டில் மிகவும் பின்தங்கிய பிரதேசங்கள் கூட தொடர்பாடல், வணிக செயல்திறன் மற்றும் பொழுதுபோக்கு ஆகியவற்றை மேம்படுத்துகின்ற வாய்ப்பைப் பெறும் வகையில் நம்பகமான இணைப்புத்திறனை வழங்கி, தனது சேவைகளை ஹட்ச் விரிவுபடுத்தி வருகின்றது.
