2025 ஆம் ஆண்டு நவம்பர் மாதம், CFW (கொழும்பு நாகரிக வாரம்) ஒரு புதிய ஆடம்பரப் பருவத்தை (new season) அறிமுகம் செய்யவுள்ளது. இது நாகரிகத் துறையின் ஒரு புதிய பரிமாணத்தின் மீது (new aspect) கவனம் செலுத்துவதுடன், இலங்கை ஆடை வடிவமைப்பாளர்களுக்கு புதிய வாய்ப்புக்களைத் திறக்கும். இதில் விசேடமாக மணப்பெண் அலங்காரங்கள் (Bridal) மற்றும் ‘Destination Weddings’ (குறிப்பிட்ட இடங்களில் நடைபெறும் திருமணங்கள்) ஆகியனவும் அடங்கும். தெற்காசியாவில், நாகரிகத்துறையின் இந்த அங்கம் (segment) குறிப்பிடத்தக்க வளர்ச்சியைக் கண்டுள்ளதுடன், இது இலங்கை வடிவமைப்பாளர்களுக்கு சிறந்த ஆற்றலை (potential) வெளிப்படுத்த உதவுகிறது. ஒவ்வொரு ஆண்டும், புதிய பருவத்தை ஊக்குவிப்பதற்கும் அதற்கான தளத்தை வழங்குவதற்கும் முன்னர், CFW அதற்கான பொருத்தமான வாய்ப்புகளை இனங்கண்டு கொள்கிறது.
நாகரிகத்துறையின் இந்த அங்கம், பிராந்தியத்தில் குறிப்பிடத்தக்க வளர்ச்சியைக் கண்டு வருவதுடன், ஆடை வடிவமைப்பாளர்கள் தமது அறிவுத் தளத்தையும் (knowledge base) திறன் தொகுப்புகளையும் (skill sets) மேம்படுத்திக் கொள்வதற்கான வாய்ப்பையும் வழங்குகிறது. CFW இன் மார்ச் மாதப் பருவமானது, இலங்கை மற்றும் தெற்காசியாவின் நாகரிகத் துறைக்கு அடித்தளமாக அமையும் பன்முகத்தன்மை கொண்ட கோடைகாலப் பருவத்தை (versatile summer season) மையமாகக் கொண்டுள்ளது. இப்பிராந்தியத்தின் நாகரிகத் தொழிற்துறையானது, பயன்பாட்டுத்தன்மை (functionality), நல்வாழ்வு (wellness), கைவினைத்திறன் (craft), அடையாளம் (identity), நிலைத்தன்மை (sustainability) மற்றும் கொண்டாட்டம் (celebration) ஆகியவற்றுக்கு இடையேயான சமநிலையைக் கண்டறிந்து, தற்போது ஒரு உற்சாகமான கட்டத்தில் (exciting phase) பயணித்துக் கொண்டிருக்கிறது.
2003 இல் அதன் தொடக்கத்திலிருந்து (inception), CFW படிப்படியாக ஒரு தெற்காசிய தளமாக (South Asian platform) வளர்ச்சியடைந்துள்ளது. இலங்கை மற்றும் ஐரோப்பிய வடிவமைப்பாளர்களுடன் இணைந்து, இந்தியா, பங்களாதேஷ் மற்றும் பாகிஸ்தான் ஆகிய நாடுகளின் வடிவமைப்பாளர்களையும் தமது ஆக்கங்களை காட்சிப்படுத்த (showcase) வரவேற்பதன் மூலம், இரண்டு தசாப்தங்களுக்கும் மேலாக தெற்காசியாவின் முன்னணி நாகரிக வாரங்களில் (leading fashion weeks) ஒன்றாகத் தனது நிலையை CFW உறுதிப்படுத்தியுள்ளது. ஜப்பான், இந்தியா மற்றும் அவுஸ்திரேலியாவுடன் இணைந்து, ஆசியாவில் 20 ஆண்டுகால பாரம்பரியத்தைக் (legacy) கொண்ட நான்கே நான்கு நாகரிக வாரங்களில் CFW உம் ஒன்றாகும்.
“‘Couture and Trousseau’ (உயர் ரக மற்றும் மணப்பெண் ஆடை அணிகலன்கள்) கடந்த சில ஆண்டுகளாக CFW இன் நிகழ்ச்சி நிரலில் (agenda) இருந்து வருகிறது. இதை முதலில் ஒரு சிறிய அளவில் அறிமுகப்படுத்தி, பின்னர் 2026 இல் ஒரு முழுமையான பருவமாக (full-blown season) விரிவுபடுத்துவதற்கு இதுவே சரியான நேரம் என்று நான் கருதுகிறேன். நாகரிகத்துறையின் இந்த அங்கமானது, விசேட நிகழ்வுகளுக்கான ஆடைகள் (Occasion wear), மணப்பெண் ஆடைகள் (Bridal) மற்றும் உயர் ரக வடிவமைப்பு (Couture) ஆகியவற்றை மையமாகக் கொண்டுள்ளது. இது தெற்காசியாவில் அதிக வளர்ச்சி கண்டு வரும் ஒரு பிரிவாகும் (high-growth segment), மேலும் இந்த சந்தைக்காக (market) தமது ஆடைத் தொகுப்புகளை (collections) உருவாக்க இலங்கை வடிவமைப்பாளர்களை நாங்கள் ஊக்குவிக்க விரும்புகிறோம். இது இலங்கையின் ‘Destination Wedding’ சுற்றுலாத் துறைக்கும் (tourism) பெரிதும் துணை புரிகிறது. இலங்கையின் ஆடை வடிவமைப்புத் துறையை விரிவுபடுத்துவதும், இலங்கை மற்றும் தெற்காசியா முழுவதும் எமது வடிவமைப்பாளர்களுக்கு அதிக வணிக வாய்ப்புகளை (business opportunities) வழங்குவதுமே எங்கள் இலக்காகும்,” என CFW Holdings இன் முகாமைத்துவப் பணிப்பாளர் (Managing Director) அஜய் விர் சிங் அவர்கள் தெரிவித்தார்.
கடந்த இரண்டு தசாப்தங்களாக, CFW இலங்கை நாகரிகத் துறையில் ஒரு பெருமிதத்தை (pride) வெற்றிகரமாகக் கட்டியெழுப்பியுள்ளது. 2003 இல் ஒரு ஸ்தாபிக்கப்பட்ட (established) இலங்கை வடிவமைப்பாளருடன் ஆரம்பித்து, பல ஆண்டுகளாக, இளம் தலைமுறையினரை ஆடை வடிவமைப்பை ஒரு தொழிலாக (profession) முன்னெடுக்க ஊக்குவித்து, அவர்கள் பெரிய கனவுகளைக் காண வழிகாட்டியுள்ளது. இன்று, நாம் காணும் 80% இற்கும் அதிகமான வடிவமைப்பாளர்கள் CFW இன் வடிவமைப்பு மேம்பாட்டு அமைப்பின் (design development system) தயாரிப்புகளாக உள்ளனர். CFW இன் ‘Emerging Designer’ (வளர்ந்து வரும் வடிவமைப்பாளர்) பிரிவானது, நாடு முழுவதிலுமிருந்து வரும் வடிவமைப்பாளர்களைத் தமது படைப்புகளைக் காட்சிப்படுத்தவும், அவர்களின் தொழில் வாழ்க்கையை (careers) ஆரம்பிக்கவும் ஊக்குவிக்கிறது. இலங்கையின் நாகரிகச் சூழல் அமைப்பிற்கு (fashion ecosystem) CFW தொடர்ந்தும் தலைமை தாங்கி வருகிறது.
நேஷன்ஸ் ட்ரஸ்ட் வங்கியின் பிரதம சந்தைப்படுத்தல் அதிகாரி (Chief Marketing Officer), சஞ்சய செனாரத் அவர்கள் கருத்துத் தெரிவிக்கையில், “CFW ஒரு புதிய பருவத்தில் நுழையும் வேளையில், அவர்களுடனான எமது நீண்டகால கூட்டாண்மையைத் (longstanding partnership) தொடர்வதில் நாங்கள் மகிழ்ச்சியடைகிறோம். Nations Trust Bank American Express இல், எமது அட்டை உறுப்பினர்களுக்கு (Cardmembers) அவர்களின் வாழ்க்கை முறை (lifestyle) மற்றும் அபிலாஷைகளை (aspirations) பிரதிபலிக்கும் வகையிலான அனுபவங்களை வழங்குவதில் நாங்கள் மிகுந்த ஆர்வம் கொண்டுள்ளோம். தெற்காசியாவின் வளர்ந்து வரும் நாகரிகப் பரப்பை (evolving fashion landscape) மையமாகக் கொண்ட CFW இன் ‘Luxury Edit’ ஆனது, இந்த பகிரப்பட்ட பார்வையை (shared vision) கொண்டாடுவதற்கான ஒரு சரியான தளமாகும்,” என்றார்.
இந்த பருவமானது, இந்தியா மற்றும் தெற்காசியாவில் அதிக வளர்ச்சி கண்டு வரும் மணப்பெண் ஆடைப் பிரிவுகளை (high-growth bridal segments) மையமாகக் கொண்டுள்ளது. இது இலங்கையிலும் அதிக வளர்ச்சி காணும் ஒரு பிரிவாகும். இது 2026 ஆம் ஆண்டின் இரண்டாம் பாதியில் நான்கு நாட்கள் நடைபெறும் ஒரு நிகழ்வாக (four-day affair) விரிவுபடுத்தப்படும்.
சினமன் கிராண்ட் கொழும்பு (Cinnamon Grand Colombo) பொது முகாமையாளர் (General Manager) நஸூமி அஸ்ஹர் அவர்கள் கூறுகையில், “சிறப்புமிக்க CFW உடன் தொடர்ச்சியாக மூன்றாவது ஆண்டாகவும் எமது கூட்டாண்மையைத் தொடர்வதில் சினமன் கிராண்ட் கொழும்பு பெருமை கொள்கிறது. இலங்கையின் புகழை (profile) உயர்த்துவதிலும், ஒரு சுற்றுலாத் தலமாக (destination) கொழும்பின் ஆற்றல்மிக்க உயிரோட்டத்தை (dynamic spirit) வெளிப்படுத்துவதிலும் CFW போன்ற தளங்களின் முக்கியத்துவத்தை நாங்கள் உணர்ந்துள்ளோம். கொழும்பின் முக்கியத்துவம் வாய்ந்த விருந்தோம்பல் மையமாக (landmark hospitality hub), சினமன் கிராண்ட் ஆக்கத்திறன் (creativity), கலாச்சாரம் (culture) மற்றும் ஒத்துழைப்பு (collaboration) ஆகியவற்றைக் கொண்டாடுவதற்கான ஒரு கச்சிதமான அமைப்பை (perfect setting) வழங்குகிறது. அத்துடன், கொழும்பு நகரத்தை சர்வதேச பார்வையாளர்களுக்கு சந்தைப்படுத்த (market) ஒரு நேர்த்தியான மேடையையும் (elegant stage) இது வழங்குகிறது. பாணி (style), புத்தாக்கம் (innovation) மற்றும் கொழும்பின் துடிப்பான சாராம்சம் (vibrant essence) ஆகியவற்றை நாம் தொடர்ந்து கொண்டாடும் வேளையில், CFW உடன் மற்றுமொரு வெற்றிகரமான பருவத்தை நாம் ஆவலுடன் எதிர்பார்க்கிறோம்,” என்றார்.
இந்த ஆண்டு, மூன்று இந்திய வடிவமைப்பாளர்கள், ஐந்து அழைக்கப்பட்ட இலங்கை வடிவமைப்பாளர்களுடன் இணைந்து தமது ஆடைத் தொகுப்புகளைக் காட்சிப்படுத்தவுள்ளனர். இந்த இந்திய வடிவமைப்பாளர்கள் இப்பிரிவில் நிபுணத்துவம் (specialize) பெற்றவர்கள் என்பதுடன், பொலிவுட் நட்சத்திரங்கள் அவர்களின் வாடிக்கையாளர்களாக (patrons) உள்ளனர். அவர்களில் ஒருவர் சமீபத்தில் பாரிஸ் நாகரிக வாரத்திலும் (Paris Fashion Week) தனது படைப்புகளை முன்வைத்திருந்தார். கடந்த காலங்களில், இத்துறையில் நிபுணத்துவம் பெற்ற தருண் தஹிலியானி, சுனீத் வர்மா, ஜே.ஜே. வலாயா மற்றும் ரோஹித் பால் போன்ற வடிவமைப்பாளர்கள் CFW இல் தமது ஆக்கங்களைக் காட்சிப்படுத்தியுள்ளனர். இந்த ஆண்டு, உயர் நாகரிக (high-fashion) வடிவமைப்பாளர்களின் மற்றொரு புதிய குழுவினர் இந்த பருவத்திற்காக மேடையேறவுள்ளனர்.
“நாட்டின் ஆடை வடிவமைப்பிற்கு CFW தலைமை தாங்கி அதனை வரையறுக்கும் (leads and defines) இவ்வேளையில், CFW இன் ‘Luxury Edit’ உடன் பங்காளர்களாக இணைவதில் நாங்கள் மகிழ்ச்சியடைகிறோம். எங்கள் வர்த்தகநாமமான லங்கா டைல்ஸ் (Lanka Tiles), புதுமையான வடிவமைப்பின் (innovative design) பாதையில் பயணிப்பதுடன், இந்த இணைப்பின் மூலம் உருவாகும் ஒத்திசைவின் (synergy) பலனைப் பெறுகிறது. எதிர்வரும் மாதங்களில் இத்துறையில் மேலும் பல திட்டங்கள் உள்ளன. CFW இன் ‘Luxury Edit’ மாபெரும் வெற்றியடைய நாங்கள் வாழ்த்துகிறோம்,” என லங்கா டைல்ஸ் முகாமைத்துவப் பணிப்பாளர் பிரியந்த தல்வத்த அவர்கள் குறிப்பிட்டார்.
CFW இன் ‘Couture + Trousseau’ பருவமானது, நேஷன்ஸ் ட்ரஸ்ட் வங்கி அமெரிக்கன் எக்ஸ்பிரஸ், சினமன் கிராண்ட், லங்கா டைல்ஸ், IDL, விஷன் கெயார், ஹமீடியா, மற்றும் ITC, பியூட்டி பை ரோஷ், ரமணி பெர்னாண்டோ சலூன்ஸ், ஹார்ட்டாக் மற்றும் அகோர்ன் (Acorn) ஆகியோரின் பெருமைமிகு பங்களிப்புடன் (proudly presented in partnership) வழங்கப்படுகிறது. இவர்களின் தொடர்ச்சியான ஒத்துழைப்பானது (continued collaboration), இலங்கையின் நாகரிகத் தொழிற்துறைக்குள் புத்தாக்கம் (innovation), ஆக்கத்திறன் (creativity) மற்றும் கைவினைத்திறன் (craftsmanship) ஆகியவற்றைக் கொண்டாடுவதற்கான CFW இன் அர்ப்பணிப்பை (commitment) மேலும் வலுப்படுத்துகிறது.
