பெண்கள் மற்றும் சிறுவர்களுக்கு எதிரான வன்முறைகளை கட்டுப்படுத்தி, ஆரோக்கியமான மற்றும் முன்னேற்றகரமான தேசத்துக்கு வலுவூட்டும் தொடர்ச்சியான அர்ப்பணிப்பின் அங்கமாக, ஜோன் கீல்ஸ் அறக்கட்டளை, தனது WAVE (அறிவூட்டலினூடாக வன்முறைகளுக்கு எதிராக பணியாற்றல்) திட்டத்தின் ஒரு அங்கமாக, சட்டத்தை நிறைவேற்றும் அமைப்புகளுக்கு ஆதரவளிக்கும் செயற்பாடுகளை தொடர்ந்தும் முன்னெடுக்கிறது. பாலின அடிப்படையிலான வன்முறை மற்றும் சிறுவர் துஷ்பிரயோகங்களை கட்டுப்படுத்துவதற்காக 10 ஆண்டுகளுக்கு மேலாக இந்தத் திட்டம் முன்னெடுக்கப்படுகிறது.
இச்செயல்பாடுகளில் ஜோன் கீல்ஸ் அறக்கட்டளை, இலங்கை காவல் துறையுடனான ஒரு மூலோபாய கூட்டுறவு மூலம், பெண்கள் மற்றும் சிறுவர்களுக்கு எதிரான குற்றங்களுக்கு அவர்கள் பதிலளிக்கும் திறனை மேம்படுத்த ஆதரவளிக்கிறது. குழந்தைகள் மற்றும் பெண்களுக்கு எதிரான துஷ்பிரயோகத் தடுப்பு மற்றும் விசாரணைப் பிரிவில் (BPIACW) உள்ள இணைய விசாரணைப் பிரிவின் (CIU) பயன்பாட்டிற்காக, உலகளாவிய அதிநவீன விசாரணை மென்பொருளை நிதியுதவி செய்ததன் மூலம் இந்த ஆதரவு வழங்கப்பட்டுள்ளது. இந்த மென்பொருள் அதிகாரிகள் தரவுகளைத் திறம்பட பகுப்பாய்வு செய்து இணைக்க உதவுகிறது, இதன் மூலம் இணையவழி சுரண்டல் மற்றும் தொடர்புடைய குற்றங்களை விசாரித்து தடுப்பதற்கான அவர்களின் திறனைப் பலப்படுத்துகிறது. புதிய தளத்தின் பயன்பாடு, விசாரணைத் திறனில் குறிப்பிடத்தக்க மற்றும் அளவிடக்கூடிய மேம்பாட்டிற்கு நேரடியாகப் பங்களித்துள்ளது என்று BPIACW அறிக்கை வெளியிட்டுள்ளது. அது செயல்படுத்தப்பட்ட முதல் வருடத்திலேயே, 22 சிறுவர்கள் மீட்கப்பட்டனர், 21 சந்தேக நபர்கள் கைது செய்யப்பட்டனர், மற்றும் 111 வழக்குகள் நீதிமன்றங்களில் தாக்கல் செய்யப்பட்டன என்று அந்த அறிக்கையில் குறிப்பிடப்பட்டுள்ளது.
ஜோன் கீல்ஸ் அறக்கட்டளையுடனான பங்காண்மை தொடர்பில் இரத்தினபுரி – பிரதி பொலிஸ் மா அதிபரும், முன்னாள் சிறுவர் மற்றும் பெண்கள் துஷ்பிரயோக தவிர்ப்பு பிரதி பொலிஸ் மா அதிபருமான ரேணுகா ஜயசுந்தர கருத்துத் தெரிவிக்கையில், “உங்களின் உறுதியான அர்ப்பணிப்புக்காக ஜோன் கீல்ஸ் அறக்கட்டளைக்கு எமது நன்றியை தெரிவிப்பதுடன், WAVE திட்டத்தினூடாக சிறுவர் பாதுகாப்பு செயற்பாடுகளை முன்னெடுப்பதில் எமது முயற்சிகளை வெளிப்படுத்தியுள்ளோம். உங்களின் பங்களிப்பினூடாக வெற்றிகரமான மற்றும் முன்னேற்றமான மாற்றத்தை அவதானிக்க முடிந்துள்ளது. அதிகரித்துள்ள விசாரணைகள் மற்றும் சட்ட முன்னிலைப்படுத்தல்கள் அதற்கு சான்றாக அமைந்துள்ளன.” என்றார்.
தொழில்நுட்ப ஆதரவுக்கு அப்பால், பயிற்றுவிப்பாளருக்கு பயிற்சிகளை வழங்கும் (ToT) நிகழ்ச்சிகளை ஜோன் கீல்ஸ் அறக்கட்டளை முன்னெடுத்து, பாலின அடிப்படையிலான வன்முறைகள் மற்றும் சிறுவர் பாதுகாப்பு தொடர்பில் அதிகாரிகளுக்கு உணர்வுபூர்வமான வினைத்திறனான வகையில் கவனம் செலுத்த உதவியுள்ளது. அதுபோன்ற ஆறாவது ToT நிகழ்வு 2025 செப்டெம்பர் 24 முதல் 26 ஆம் திகதி வரை, ஹோமகம, கடுவளை மற்றும் மஹாரகம பொலிஸ் நிலையங்களின் தெரிவு செய்யப்பட்ட அதிகாரிகளுக்காக முன்னெடுக்கப்பட்டது. இதுவரையில் 60 பொலிஸ் நிலையங்களின் 162 அதிகாரிகள் பயன் பெற்றுள்ளனர்.
ஜோன் கீல்ஸ் குழுமப் சமூக பொறுப்பு செயற்பாடுகள் பிரிவின் தலைமை அதிகாரி கார்மலின் ஜயசூரிய கருத்துத் தெரிவிக்கையில், “Project WAVE இன் கீழ் இலங்கை காவல்துறையுடன் நாங்கள் கொண்டுள்ள கூட்டுறவானது, பாலின அடிப்படையிலான வன்முறை மற்றும் சிறுவர் துஷ்பிரயோகம் குறித்த புகார்களுக்கு சரியான நேரத்தில், திறமையான மற்றும் உணர்வுபூர்வமாக செயலாற்றுவதற்காக, எங்கள் சட்ட அமலாக்க பிரிவுகளில் ஒரு முக்கிய பங்குதாரர் மற்றும் முதல் பிரதிவாதி என்ற வகையில் காவல்துறையை வலுப்படுத்துவதை நோக்கமாகக் கொண்டுள்ளது. BPIACW இலிருந்து நாங்கள் பெற்றுள்ள நெருக்கமான ஒத்துழைப்பு, பங்கேற்ற அதிகாரிகளிடமிருந்து கிடைத்த மிகவும் ஆக்கபூர்வமான கருத்துக்கள், மற்றும் CIU இற்கு நன்கொடையாக வழங்கப்பட்ட மென்பொருளின் ஈர்க்கக்கூடிய செயலாக்கம் மற்றும் தாக்கம் ஆகியவற்றால் நாங்கள் பெரிதும் ஊக்கமடைந்துள்ளோம்.” என்றார்.
திரண்ட முயற்சிகளினூடாக, தொடர்ந்தும் தகவலறிந்த மற்றும் முன்னேற்றகரமான சட்ட அமலாக்க வலையமைப்பை கட்டியெழுப்பி, பாலின வன்முறை மற்றும் சிறுவர் பாதுகாப்பு போன்றவற்றுடன் தொடர்புடைய பிரச்சனைகளுக்கு அதிகாரிகளுக்கு வினைத்திறனான வகையில் செயலாற்றுவதற்கு ஜோன் கீல்ஸ் அறக்கட்டளை வலுவூட்டுகிறது.
Project WAVE என்பது ஜோன் கீல்ஸ் அறக்கட்டளையின் பல்வேறு பிரிவுகளைக் கொண்ட முன்முயற்சியாகும். இது ஜோன் கீல்ஸ் குழுமப் பணியாளர்கள், இலக்கு நிர்ணயிக்கப்பட்ட சமூகங்கள் மற்றும் பொது மக்கள் ஆகியோருக்கான தொடர்ச்சியான விழிப்புணர்வு மற்றும் பயிற்சி நடவடிக்கைகளை உள்ளடக்கியது. இந்தத் திட்டம் நவம்பர் 2014 இல் ஆரம்பிக்கப்பட்டதிலிருந்து 5.8 மில்லியன் பேரைச் சென்றடைந்துள்ளது.
கல்வி, சமூகம் மற்றும் வாழ்வாதாரம், சமூக சுகாதாரம் மற்றும் ஒற்றுமை மற்றும் உயிரியல் பரம்பல் ஆகியவை ஜோன் கீல்ஸ் அறக்கட்டளையின் நான்கு கவனம் செலுத்தும் பகுதிகளாகும் – இது ஜோன் கீல்ஸ் ஹோல்டிங்ஸ் பிஎல்சி (ஜேகேஎச்) இன் சமூக பொறுப்புணர்வு அமைப்பாகும். இது 7 மாறுபட்ட தொழில் துறைகளில் 80 க்கும் மேற்பட்ட நிறுவனங்களை இயக்கும் சந்தை மூலதனத்தின் அடிப்படையில் கொழும்பு பங்குப்பரிவர்த்தனையில் (CSE) பட்டியலிடப்பட்டுள்ள மிகப்பெரிய நிறுவனமாகும். 150 ஆண்டுகளுக்கும் மேலான வரலாற்றைக் கொண்ட ஜோன் கீல்ஸ் குழுமம், 18,000 க்கும் மேற்பட்ட நபர்களுக்கு வேலைவாய்ப்பை வழங்குகிறது மற்றும் கடந்த 20 ஆண்டுகளாக LMD சஞ்சிகையால் இலங்கையின் ‘மிகவும் மதிக்கப்படும் நிறுவனமாக‘ தரவரிசைப்படுத்தப்பட்டுள்ளது. டிரான்ஸ்பரன்சி இன்டர்நஷனல் ஸ்ரீ லங்காவின் ‘கூட்டாண்மை அறிக்கையிடல் மதிப்பீட்டில் வெளிப்படைத்தன்மை‘யில் ஜேகேஎச் தொடர்ந்து நான்காவது ஆண்டாக முதலிடத்தைப் பிடித்துள்ளது. உலகப் பொருளாதார மன்றத்தின் முழு உறுப்பினராகவும், ஐ.நா. உலகளாவிய ஒப்பந்தத்தின் பங்கேற்பாளராகவும் இருக்கும் அதே வேளையில், ஜோன் கீல்ஸ் அறக்கட்டளை மூலமாகவும், இலங்கையில் பிளாஸ்டிக் மாசுபாட்டைக் கணிசமாகக் குறைப்பதில் ஒரு ஊக்கியாக இருக்கும் ‘ Plasticcycle’ என்ற சமூக தொழில்முனைவோர் முயற்சியின் மூலமாகவும், “எதிர்காலத்துக்காக தேசத்தை வலுப்படுத்துதல்” என்ற அதன் சமூகப் பொறுப்புணர்வு தொலைநோக்குப் பார்வைக்கமைய ஜே.கே.எச் இயக்குகிறது.
