2025 இல் இலங்கையர்களால் TikTok-இல் அதிகம் தேடப்பட்ட சொற்கள்

2025ஆம் ஆண்டில் இலங்கையில் TikTok தளத்தில் அதிகம் தேடப்பட்ட சொற்களை TikTok நிறுவனம் வெளியிட்டது. இந்த ஆண்டு இலங்கையர்கள் எவற்றில் அதிக ஆர்வம் காட்டினர் என்பதை இத்தரவுகள் பிரதிபலிக்கின்றன. அவர்கள் பின்தொடரும் பிரபலங்கள் மற்றும் உள்ளடக்க உருவாக்குநர்கள் (content creators), செவிமடுக்கும் இசை, நாடகத்தொடர்கள், சுற்றுலா செல்ல விரும்பும் இடங்கள் என இந்த ஆண்டு இலங்கையர்களின் கவனத்தை ஈர்த்தவற்றை இத்தரவுகள் வெளிப்படுத்துகின்றன.

கிரிக்கெட் ஹைலைட்ஸ் முதல் பொழுதுபோக்கு செய்திகள், கண்டி எசல பெரஹர போன்ற பண்பாட்டு நிகழ்வுகள் வரை 2025 தேடல் பட்டியல் பரந்துபட்டதாக உள்ளது. TikTok தேடல் என்பது இன்று வெறுமனே காணொளிகளை பார்க்கும் தளமாக மட்டுமின்றி, அன்றாட முடிவுகளை எடுக்கவும், நிகழ்நேர தகவல்களை அறியவும் பயன்படும் ஒரு தேடல் கருவியாக மாறியுள்ளதை இது எடுத்துக்காட்டுகிறது. மக்கள் TikTok–ஐ வெறுமனே காணொளிகளைப் பார்க்க மட்டுமல்லாமல், Trending விடயங்களை அறிய, மறக்கமுடியாத தருணங்களை மீட்டுப்பார்க்க, சுற்றுலா இடங்களை ஆராய, தங்களுக்கு ஏற்ற உள்ளடக்கங்களை கண்டறிய என பல்வேறு தேவைகளுக்காக மக்கள் TikTok–ஐ நாடுகின்றனர்.

“இலங்கையர்களின் அன்றாட வாழ்க்கையில் TikTok தேடல் ஓர் இன்றியமையாத அங்கமாக மாறியுள்ளது” என TikTok நிறுவனத்தின் தெற்காசிய உள்ளடக்க செயல்பாட்டுத் தலைவர் உமைஸ் நவீட் கூறினார். “மக்கள் வெறுமனே காணொளிகளை பார்ப்பதுடன் நின்றுவிடாமல், நிகழ்நேரத் தகவல்கள், பரிந்துரைகள் மற்றும் சூழல் விளக்கங்களை தீவிரமாகத் தேடுகின்றனர். விளையாட்டு நிகழ்வுகளை தெரிந்துகொள்ள, வார இறுதி சுற்றுலாவை திட்டமிட, புதியவற்றை கற்றுக்கொள்ள, பொருட்கள் வாங்கும் முன் மதிப்புரைகளை சரிபார்க்க என இலங்கையர்கள் தங்கள் அன்றாட முடிவுகளுக்கு TikTok–ஐ நாடுகின்றனர். இந்த ஆண்டின் தேடல் பட்டியல், TikTok எவ்வாறு இலங்கையர்களை அவர்களின் கலாச்சாரம், சமூகம் மற்றும் அன்றாட தேவைகளுடன் இணைக்கிறது என்பதை தெளிவாக உணர்த்துகிறது.“ என்றும் அவர் தெரிவித்தார்.

இலங்கையின் தேடல்கள் வெளிப்படுத்துவது என்ன?

இந்த ஆண்டின் தேடல்கள் பகிரப்பட்ட தருணங்களையும், அர்த்தமுள்ள கண்டுபிடிப்புகளையும் எடுத்துக்காட்டுகின்றன. கண்டி, தங்காலை போன்ற இடங்களுக்கான தேடல்கள் பயண உத்வேகத்தில் TikTok–இன் செல்வாக்கை உறுதிப்படுத்துகின்றன. உருவாக்குநர்களின் பரிந்துரைகளும் நேரடி அனுபவங்களும் பயனர்களை புதிய இடங்களை ஆராய தூண்டுகின்றன. அதேவேளை, முக்கிய பொது உரையாடல்கள், சிறப்பு நேர்காணல்கள், பரவலாக பேசப்பட்ட பொப்–கலாச்சார நிகழ்வுகள் ஆகியவற்றுக்கான தேடல்கள், இலங்கையர்கள் Trends-களை ஒருமித்து அனுபவிப்பதை வெளிப்படுத்துகின்றன. இவற்றை நிகழ்நேரத்தில் பின்தொடர TikTok சமூகங்களுக்கு உதவுகிறது.

விளையாட்டு, கேமிங், இசை, திரையுலகம் என 2025 பட்டியல் கலாச்சாரமும் பயன்பாடும் ஒன்றிணையும் தளமாக TikTok உருவெடுத்திருப்பதை நிரூபிக்கிறது. இங்கு Trend ஆவது பெரும்பாலும் பயனுள்ளதாகவும், நினைவில் நிற்பதாகவும், அர்த்தமுள்ளதாகவும் இருக்கிறது.