Interbrand வெளியிட்டுள்ள 2025 க்கான மிகச் சிறந்த சர்வதேச வர்த்தகநாமங்கள் தரப்படுத்தலில், உலகின் நம்பர் 1 காப்புறுதி வர்த்தகநாமமாக மீண்டும் ஒரு முறை அலியான்ஸ் அங்கீகாரத்தைச் சம்பாதித்துள்ளதுடன், தொடர்ந்து ஏழாவது ஆண்டாகவும் இந்த உச்ச ஸ்தானத்தை அது தக்க வைத்துள்ளமை குறிப்பிடத்தக்கது. வரலாற்றிலேயே அதியுயர் வர்த்தகநாம மதிப்பையும், மிக வலுவான வளர்ச்சியையும் இவ்வாண்டில் அலியான்ஸ் அடையப்பெற்றுள்ளதுடன், முறையே 23.5 பில்லியன் அமெரிக்க டொலர் தொகையிலிருந்து, 20% அதிகரிப்புடன் 28.2 பில்லியன் அமெரிக்க டொலர் தொகையாகவும், சர்வதேச அளவில் இரு ஸ்தானங்கள் எழுச்சி கண்டுள்ளமையையும் அவை குறித்து நிற்கின்றன.
உலகளாவில் நம்பிக்கை, புத்தாக்கம், மற்றும் நம்பகத்தன்மை ஆகியவற்றில் அதன் நன்மதிப்பை மீண்டும் உறுதிப்படுத்தும் வகையில், அலியான்ஸின் வலுவான நிதியியல் பெறுபேற்றுத்திறன் மற்றும் அதன் உலகளாவிய வர்த்தகநாம மூலோபாயத்தை தொடர்ச்சியாக நிலைநாட்டி வருதல் ஆகியவற்றை இச்சாதனை பிரதிபலிக்கின்றது. உலகெங்கிலும் அலியான்ஸ் ஊழியர் ஒவ்வொருவரினதும் அர்ப்பணிப்பு மற்றும் கூட்டு முயற்சிக்கும் இது சான்றாக உள்ளது.
ஜேர்மனியின் மியூனிக் மாநகரத்தில் தலைமை அலுவலகத்தைக் கொண்ட, காப்புறுதி மற்றும் சொத்து முகாமைத்துவ வணிகங்களில் உலகளாவில் முன்னிலை வகித்து வருகின்ற Allianz SE ன் முழுமையான உரிமையாண்மையின் கீழான துணை நிறுவனங்களில் ஒன்றாக அலியான்ஸ் இன்சூரன்ஸ் லங்கா லிமிட்டெட் இயங்கி வருகின்றது.
