இலங்கையின் முன்னணி பொதுக் காப்புறுதி நிறுவனங்களில் ஒன்றாகவும், உலகளாவிய அலியான்ஸ் குழுமத்தின் அங்கமாகவும் திகழ்ந்து வருகின்ற அலியான்ஸ் இன்சூரன்ஸ் லங்கா லிமிட்டெட், நாட்டின் முன்னணி டிஜிட்டல் சுகாதாரத் தளமான Doc990 உடனான தனது கூட்டாண்மையின் அடுத்த கட்டம் குறித்து அறிவித்துள்ளது. அலியான்ஸ் மருத்துவக் காப்புறுதிதாரர்களுக்கு சுகாதாரப் பராமரிப்பிற்கான அணுகலை எளிமைப்படுத்தும் நோக்குடன், மதிப்புக் கூட்டப்பட்ட கூடுதல் சேவைகளை இந்த நடவடிக்கை அறிமுகப்படுத்துகின்றது.
Digital Health (Pvt) Ltd நிறுவனத்தால் இயக்கப்படுகின்ற Doc990 ஆனது இலங்கையின் முன்னணி டிஜிட்டல் சுகாதாரத் தளமாகத் திகழ்வதுடன், நாடெங்கிலும் சுகாதாரப் பராமரிப்புக்கான வசதிகளில் புரட்சியை ஏற்படுத்தி வருகிறது. தனது இணையத்தளம், மொபைல் செயலி (mobile app), மற்றும் துரித சேவை அழைப்பு மையம் (hotline – 990) மூலமாக ஓடியோ-வீடியோ வாயிலான ஆலோசனைகள், மருந்து விநியோகம், மற்றும் இணையவழி ஆய்வுகூட அறிக்கைகள் அடங்கலாக விரிவான சேவைகளுடன், பிரபலமான வைத்தியசாலைகளில் தங்குதடையின்றி மருத்துவர்களைச் சந்திப்பதற்கான நியமனங்களை மேற்கொள்ள Doc990 இடமளிக்கின்றது. இலங்கை மக்கள் அனைவருக்கும் நம்பகமான, சௌகரியமான, மற்றும் புத்தாக்கமான தீர்வுகளுடன் சுகாதாரப் பராமரிப்பை தமது விரல் நுனிகளில் வைத்திருக்க வழிவகுத்துள்ளது.
இக்கூட்டாண்மையின் அடுத்த கட்டத்தின் ஒரு பாகமாக, அலியான்ஸ் மருத்துவ காப்புறுதிதாரர்கள் வைத்தியர்களை சந்திப்பதற்கான நியமனங்களை மேற்கொள்வதற்கு Doc990 தளத்தை தற்போது உபயோகிக்க முடிவதுடன், அவர்களுடைய வெளிநோயாளர் சிகிச்சை எல்லைகளுக்கு அமைவாக வைத்தியர்களைச் சந்திப்பதற்கான கட்டணங்களை நேரடியாக செலுத்த முடியும். முற்கூட்டியே கட்டணங்களை செலுத்த வேண்டிய தேவை அல்லது கைமுறை இழப்பீட்டுக் கோரல் நடைமுறைகளை இது போக்குகிறது. அலியான்ஸ் மருத்துவ காப்புறுதிதாரர்களுக்கு ஏற்கனவே Doc990 மூலமான முற்பதிவுக் கட்டணங்களுக்கு 35% தள்ளுபடி கிடைக்கும் நிலையில், தற்போது இது கூடுதல் நன்மையாக மாறியுள்ளது.
அலியான்ஸ் இன்சூரன்ஸ் லங்கா லிமிட்டெட் நிறுவனத்தின் பிரதம நிறைவேற்று அதிகாரியும், இலங்கைக்கான முகாமையாளருமான பிரஷாந் குரோவர் அவர்கள் இது குறித்து கருத்து வெளியிடுகையில்:
“இந்த ஒத்துழைப்பானது வெறுமனே மதிப்புக் கூட்டப்பட்ட சேவை என்பதற்கும் அப்பாற்பட்டது. மக்களின் அன்றாட வாழ்வில் காப்புறுதி எவ்வாறு அவர்களுக்கு உதவுகின்றது என்பதற்கு மீள்வரைவிலக்கணம் வகுக்கும் எமது பரந்த குறிக்கோளின் பிரதிபலிப்பாக இது காணப்படுகின்றது. வாடிக்கையாளரின் நலனுக்கு டிஜிட்டல் புத்தாக்கம் தங்குதடையின்றி உதவுகின்ற இணைக்கப்பட்ட முறைமையைத் தோற்றுவிப்பதில் நாம் கவனம் செலுத்தியுள்ளோம். நடைமுறைக்கு ஏற்ற, டிஜிட்டலை முன்னிலைப்படுத்திய தீர்வுகளை வாழ்வில் வழங்குவதற்கு இத்தகைய ஒத்துழைப்புக்கள் எமக்கு உதவுவதுடன், எமது காப்புறுதிதாரர்கள் மிக இலகுவாக சுகாதாரப் பராமரிப்பு வசதிகளை அணுகுவதில் நாம் தொடர்ச்சியாக காண்பித்து வருகின்ற அர்ப்பணிப்பையும் பிரதிபலிக்கின்றது,” என்று குறிப்பிட்டார்.
அலியான்ஸ் இன்சூரன்ஸ் லங்கா லிமிட்டெட் நிறுவனத்தின் பிரதம விநியோக அதிகாரி ரங்க டயஸ் இது குறித்து கருத்து வெளியிடுகையில்:
“எமது வாடிக்கையாளர்களுக்கு அன்றாட இடைச்செயற்பாடுகளை எளிமையாக மேற்கொள்வதற்கும், மிகவும் சௌகரியமாக அதனை மேற்கொள்வதற்கு வழிவகுப்பதிலும் அலியான்ஸ் இன்சூரன்ஸ் லங்கா லிமிட்டெட் கவனம் செலுத்தியுள்ளது. அது குறித்த தொடர்ச்சியான முயற்சியின் ஒரு அங்கமாக Doc990 உடனான எமது கூட்டாண்மையின் அடுத்த கட்டமானது, வைத்தியர்களைச் சந்திப்பதற்கான நியமனங்களை மேற்கொள்ளும் போது முற்கூட்டிய கொடுப்பனவுத் தேவைகள் மற்றும் கைமுறை இழப்பீட்டுக் கோரல்களைப் போக்கி, வெளிநோயாளர் சிகிச்சை எல்லைகள் மூலமாக நேரடியாக செலுத்துவதற்கு இடமளிக்கின்றது. கூடுதல் படிமுறைகள் அல்லது அழுத்தங்களின்றி, மக்களுக்கு தேவையான நேரங்களில் உதவுவதற்கு, காப்புறுதியானது பின்னணியில் பக்கபலமாக இருக்க வேண்டுமென நாம் நம்புகின்றோம்,” என்று குறிப்பிட்டார்.
அலியான்ஸ் இன்சூரன்ஸ் லங்கா லிமிட்டெட் மற்றும் Doc990 ஆகியவற்றுக்கு இடையிலான நீண்ட கால கூட்டாண்மையானது, அர்த்தமுள்ள, வாடிக்கையாளர்களை நோக்காகக் கொண்ட தீர்வுகளை வழங்குவதில் பகிரப்பட்ட அர்ப்பணிப்பை அத்திவாரமாகக் கொண்டு கட்டியெழுப்பப்பட்டுள்ளது. காப்புறுதிதாரர்கள் தமது சுகாதாரப் பராமரிப்பு மற்றும் காப்புறுதி அனுபவத்தில் அதிகரித்த மதிப்பு, சௌகரியம், மற்றும் டிஜிட்டல் முறையில் அணுகல் ஆகியவற்றிலிருந்து தொடர்ச்சியான பயனைப் பெற்றுக்கொள்வதை உறுதி செய்யும் பொருட்டு எதிர்காலத்தில் இன்னும் கூடுதலான சிறப்பம்சங்கள் மற்றும் சேவைகளை அறிமுகப்படுத்துவதற்கு இரு நிறுவனங்களும் தொடர்ந்தும் தமக்கிடையில் ஒத்துழைக்கும்.
Digital Health Pvt Ltd நிறுவனத்தின் பிரதம நிறைவேற்று அதிகாரி ஜனித் பீரிஸ் இது குறித்து கருத்து வெளியிடுகையில்:
“இலங்கையின் முன்னணி டிஜிட்டல் சுகாதாரப் பரமாரிப்பு தீர்வு வழங்குனர் என்ற ரீதியில், புத்தாக்கமான, வாடிக்கையாளர்களை மையப்படுத்திய தீர்வுகளை வழங்குவதற்கு அலியான்ஸ் இன்சூரன்ஸ் லங்கா லிமிட்டெட் நிறுவனத்துடன் கைகோர்ப்பதையிட்டு பெருமை கொள்கின்றோம். வெளிநோயாளர் சிகிச்சை கொடுப்பனவுகளை இலகுவாக அணுகுவதில் புரட்சியை ஏற்படுத்தி, தமது காப்புறுதிதாரர்களுக்கு சுகாதாரப் பராமரிப்பை மேலும் சௌகரியமாகவும், இலகுவாகவும் அணுகுவதற்கு இடமளிக்கின்ற வேண்டும் என்ற எமது நோக்கத்துடன், அலியான்ஸ் நிறுவனத்தின் முற்போக்கான சிந்தனை அணுகுமுறை மிகத் தெளிவாக ஒத்திசைகின்றது. சுகாதாரத்தை உங்களுடைய விரல் நுனிகளில் பேணி, தரமான சுகாதாரப் பராமரிப்பை வாடிக்கையாளர்கள் தங்குதடையின்றியும், சிரமங்களின்றியும் அணுகுவதற்கு வலுவூட்டச் செய்வதே எமது நோக்கம். சுகாதாரப் பராமரிப்பினை அணுகுகின்ற மற்றும் அனுபவிக்கின்ற வழிமுறைகளுக்கு நாம் ஒன்றிணைந்து மீள்வரைவிலக்கணம் வகுப்பதுடன், அலியான்ஸ் நிறுவனத்தின் வாடிக்கையாளர்கள் இன்னும் கூடுதலான அளவில் இணைக்கப்பட்ட மற்றும் இலகுபடுத்தப்பட்ட சுகாதாரப் பராமரிப்பை அனுபவிப்பதை உறுதி செய்கின்றோம்.” என்று குறிப்பிட்டார்.
வாடிக்கையாளர்களின் உண்மையான தேவைகளைப் பூர்த்தி செய்யும் சேவைகளை வழங்குவதில் நம்பிக்கைக்குரிய டிஜிட்டல் தளங்களுடன் ஒத்துழைக்கும் அலியான்ஸ் இன்சூரன்ஸ் லங்கா லிமிட்டெட் நிறுவனத்தின் பரந்த இலக்கின் அங்கமாக இந்த முயற்சி அமைந்துள்ளது. இத்தகைய கூட்டாண்மைகள் மூலமாக, அன்றாட காப்புறுதி அனுபவங்களில் சௌகரியம், பொருத்தம் மற்றும் எளிமை ஆகியவற்றை அறிமுகப்படுத்தும் தனது அர்ப்பணிப்பை இந்நிறுவனம் தொடர்ந்தும் கட்டியெழுப்பி வருகின்றது.
ஜேர்மனியின் மியூனிக் மாநகரத்தில் தலைமை அலுவலகத்தைக் கொண்ட, காப்புறுதி மற்றும் சொத்து முகாமைத்துவ வணிகங்களில் உலகளாவில் முன்னிலை வகித்து வருகின்ற Allianz SE ன் முழுமையான உரிமையாண்மையின் கீழான துணை நிறுவனங்களில் ஒன்றாக அலியான்ஸ் இன்சூரன்ஸ் லங்கா லிமிட்டெட் இயங்கி வருகின்றது. Interbrand மற்றும் Brand Finance ஆகியவற்றிடமிருந்து “World’s No.1 Insurance Brand” என்ற அங்கீகாரம் அலியான்ஸ் நிறுவனத்திற்கு கிடைத்துள்ளது.
