இலங்கையின் கட்டுமானத் துறை தொடர்ந்து வளர்ச்சியடைந்து வருவதால், தரம், தொழில்நுட்ப நம்பகத்தன்மை, செயல்திறன் மற்றும் நீண்ட கால மதிப்பு ஆகியவற்றை ஒருங்கிணைக்கும் தீர்வுகளுக்கான தேவை அதிகரித்து வருகிறது. இந்தச் சூழலில், கட்டுமானப் பொருட்கள், அலுமினிய அமைப்புகள், கூரை மற்றும் உறைப்பூச்சு, மற்றும் உயர்தரத் தரைத்தளங்கள் போன்ற திறன்களைக் கொண்ட ஒரு பன்முகப்படுத்தப்பட்ட கட்டிடத் தீர்வுகள் வணிகமாக Swisstek தனது நிலையை வலுப்படுத்தி வருகிறது.
1967-ஆம் ஆண்டு முதல் ஒரு நீண்ட பாரம்பரியத்தைக் கொண்டுள்ள Swisstek, ஒரு சிறப்பு மரத் தரைத்தள உற்பத்தியாளராக இருந்து, சர்வதேச சந்தைகளில் உள்ள வாடிக்கையாளர்களால் நம்பப்படும் உற்பத்தி அளவு, பொறியியல் நிபுணத்துவம் மற்றும் தரநிலைகள் ஆகியவற்றால் ஆதரிக்கப்படும் ஒரு பரந்த கட்டுமானத் தீர்வுகள் குழுவாக வளர்ந்துள்ளது. இன்று, இந்த வணிகம் நான்கு சிறப்புத் தளங்களில் செயல்படுகிறது: கட்டுமானப் பொருட்கள், அலுமினிய அமைப்புகள் மற்றும் தீர்வுகள், ஒருங்கிணைந்த கூரை மற்றும் உறைப்பூச்சுத் தீர்வுகள், மற்றும் உயர்தரத் தரைத்தளத் தீர்வுகள். இந்தத் திறன்கள் அனைத்தும் ஒன்றிணைந்து, குடியிருப்பு, வணிகம், விருந்தோம்பல் மற்றும் கலப்புப் பயன்பாட்டு நிர்மாணங்கள் ஆகியவற்றின் தேவைகளைப் பூர்த்தி செய்கின்றன.
Swisstek (Ceylon) PLC மற்றும் Swisstek Aluminium Ltd ஆகியவற்றின் குழும முகாமைத்துவப் பணிப்பாளரான தமிந்த பெரேரா கூறியதாவது: “நாங்கள் தற்போது ஒரே ஒரு பிரிவில் மட்டும் நிபுணத்துவம் பெற்ற உற்பத்தியாளராகச் செயல்படவில்லை. கட்டுமானத் துறையின் பல்வேறு நிலைகளிலும் நாங்கள் திறன்களை வளர்த்துள்ளோம்; இப்போது எங்கள் வாடிக்கையாளர்களுக்கு அதிக மதிப்பினை உருவாக்கும் வகையில் அந்தத் திறன்களை ஒருங்கிணைப்பதே எங்கள் முன்னுள்ள வாய்ப்பாகும். எதிர்காலத்தை நோக்கிய எங்கள் பயணத்தில், கிட்டத்தட்ட ஆறு தசாப்தங்களாக Swisstek நாமத்தை வளர்த்து வந்துள்ள தரம் மற்றும் ஒழுங்குமுறையைத் தொடர்ந்து பேணிக்காப்பதோடு, எங்கள் உற்பத்தித் திறனை வலுப்படுத்துதல், தொழில்நுட்பத் திறன்களை மேம்படுத்துதல் மற்றும் நாங்கள் சேவை செய்யும் சந்தைகளை விரிவுபடுத்துதல் ஆகியவற்றில் கவனம் செலுத்துகிறோம்.”
உற்பத்தி நடவடிக்கைகளே இக்குழுமத்தின் செயல்பாடுகளின் மையமாகத் திகழ்கின்றன. Swisstek தற்போது மூன்று உற்பத்தி நிலையங்களை இயக்குகிறது. இவற்றின் மொத்த ஆண்டு உற்பத்தித் திறன் சுமார் 100,000 மெட்ரிக் தொன்கள் ஆகும், மேலும் இங்கு 1,300-க்கும் மேற்பட்ட பணியாளர்கள் பணியாற்றுகின்றனர். நிறுவனத்தின் இந்த வலுவான உற்பத்தி கட்டமைப்பு, அதன் பல்வேறு தயாரிப்பு வகைகளிலும் தயாரிப்பு மேம்பாடு, தரக் கட்டுப்பாடு, தொழில்நுட்பத் தரம் மற்றும் விநியோகத் திறன் ஆகியவற்றை உறுதிசெய்ய உதவுகிறது.
இக்குழுமத்தின் தொழில்நுட்பத் திறன்கள், அலுமினிய வார்ப்பு, கட்டிடக்கலை அமைப்புகள், கூரை அமைத்தல், நீர்ப்புகாப்பு, மேற்பரப்புத் தயாரிப்பு, தரைத்தளம் மற்றும் தர உறுதிப்பாடு ஆகியவற்றை உள்ளடக்கியுள்ளன. இவற்றுக்குத் தொடர்புடைய உள்ளூர் மற்றும் சர்வதேச சான்று அங்கீகாரங்கள் மற்றும் தரநிலைகள் ஆதரவளிக்கின்றன. Swisstek வழங்கும் தீர்வுகள், நாடு முழுவதும் உள்ள முக்கிய நிர்மாணத் திட்டங்களில் பயன்படுத்தப்பட்டுள்ளன. இந்நிறுவனம், தனது உயர்தர மரத் தரைத்தள வணிகத்தின் மூலம் நிலைநாட்டிய ஏற்றுமதிப் பாரம்பரியத்தைத் தொடர்ந்து, எட்டு சர்வதேச சந்தைகளுக்கும் சேவையாற்றுகிறது.
Vallibel One PLC நிறுவனத்தின் ஒரு பகுதியாக, இலங்கையின் கட்டுமானம் மற்றும் கட்டப்பட்ட சூழல் துறைகளில் தனது பங்கை விரிவுபடுத்தும் அதே வேளையில், கிட்டத்தட்ட அறுபது ஆண்டுகால உற்பத்தி மற்றும் தொழில்நுட்ப நிபுணத்துவத்தையும் Swisstek தொடர்ந்து வளர்த்து வருகிறது.
