படைப்பாற்றல் மற்றும் வழிகாட்டுதலுடன் கூடிய பல மாதக் கணக்கிலான போட்டிகளுக்குப் பின்னர், எலிஃபண்ட் ஹவுஸ் சூப்பர் ஹீரோஸ் சீசன் 3 ஆனது, 2025 ஒக்டோபர் 18 ஆம் திகதி ஸ்டெய்ன் ஸ்டுடியோவில் நடைபெற்ற இறுதிச் சுற்றின் நேரடி ஒளிபரப்புடன் அற்புதமாக நிறைவடைந்தது. கல்வி அமைச்சின் ஆதரவுடன் நடத்தப்பட்ட இந்த நிகழ்வானது 21 ஆம் நூற்றாண்டின் மாற்றத்தை மறுவரையறை செய்ததோடு மட்டுமல்லாமல் நாடளாவிய ரீதியில் மாணவர்களின் தைரியத்தையும், புதிய கருத்துக்கள் மற்றும் திறமைகளையும் வெளிச்சமிட்டுக் காட்டியது.
இந்த ஆண்டு, நாடு முழுவதிலும் உள்ள 135 இற்கும் மேற்பட்ட பாடசாலைகள் சூப்பர் செஃப், சூப்பர் ஹார்வெஸ்டர் மற்றும் சூப்பர் ஒன்றப்ரனுவர் ஆகிய மூன்று சுவாரஸ்யமான பிரிவுகளில் தொழில் வல்லுநர்கள் மற்றும் வழிகாட்டிகளின் வழிகாட்டுதலின் கீழ் போட்டியிட்டன. இந்த நிகழ்ச்சி, செயன்முறைக் கற்றல் முதல் சந்தை வணிகமயமாக்கல் வரை வழிநடத்தியது.
சீசன் 3 வெற்றியாளர்கள்
- சூப்பர் செஃப் : பல்லேகனுகல கனிஷ்ட வித்தியாலயம்
- சூப்பர் ஹார்வெஸ்டர்: பண்டாரகம மத்திய கல்லூரி
- சூப்பர் ஒன்றப்ரனுவர்: தம்புத்தேகம மத்திய கல்லூரி
இரண்டாம் இடம்
- சூப்பர் செஃப் – முதலாம் இடம்: டெனிகே பள்ளி, ரிக்கிலகஸ்கட
- சூப்பர் செஃப் – இரண்டாம் இடம்: ஞானோதய மத்திய கல்லூரி, திவுலபிட்டிய
- சூப்பர் ஹார்வெஸ்டர் – முதலாம் இடம்: மஹாபெல்லன்கடவல மகா வித்தியாலயம்
- சூப்பர் ஹார்வெஸ்டர் – இரண்டாம் இடம்: பூனவிஸ்டா கல்லூரி, காலி
- சூப்பர் ஒன்றப்ரனுவர் – முதலாம் இடம்:, குருநாகல் ஜனாதிபதி பாலிகா வித்தியாலயம்
- சூப்பர் ஒன்றப்ரனுவர் – இரண்டாம் இடம்: வித்யாலோக மத்திய கல்லூரி, பலாங்கொடை
மக்களின் ஆதரவையும் தனித்துவமான சிந்தனையையும் பிரதிபலித்த ” மிகவும் பிரபல்யமான கருத்து ” விருதை வென்ற டெனிகே பள்ளி சிறப்பு பாராட்டையும் பெற்றது.
இந்த ஆண்டின் நிகழ்ச்சித்திட்டத்தின் படி மே மாதம் முதல் ஆரம்பச் சுற்றுகளை நடைபெற்றன. அரையிறுதிப் போட்டிகள் செப்டம்பர் 27 முதல் ஒக்டோபர் 11 வரை நடைபெற்றன. ஒக்டோபர் 18 ஆம் திகதி பிரமாண்டமான இறுதிப் போட்டியுடன் இந்த ஆண்டின் நிகழ்ச்சித் திட்டம் நிறைவடைந்தது. மாணவர்கள் நடைமுறைப் பயிற்சிகள், தயாரிப்பு அறிமுக அமர்வுகள் மற்றும் சினமன் ஹாஸ்பிடாலிட்டி அகாடமி, ஜான் கீல்ஸ் ஆராய்ச்சி ஆய்வகங்கள் மற்றும் சிலோன் கோல்ட் ஸ்டோர்ஸ் தலைமை அலுவலகம் ஆகிய இடங்களுக்கு சென்றனர். அவர்கள் தங்கள் அனுபவங்களை தொடர்ச்சியான வளர்ச்சியையும் சிந்தனையையும் ஊக்குவிக்கும் வகையில் வடிவமைக்கப்பட்ட டிஜிட்டல் குறிப்பேடுகள் மூலம் பதிவு செய்தனர்.
ஜான் கீல்ஸ் குழுமத்தின் ஃப்ரோசன் கன்பெக்க்ஷனரி பிரிவின் தலைவரும் மூத்த துணைத் தலைவருமான சதீஷ் ரத்நாயக்க, இந்த முயற்சியின் வெற்றி குறித்து தனது கருத்துக்களைப் பகிரும் போது, “எலிஃபண்ட் ஹவுஸ் சூப்பர் ஹீரோஸ் சீசன் 3 மாற்றத்திற்கான ஒரு சக்தி வாய்ந்த தேசியத் தளமாக மாறியுள்ளது. இந்த ஆண்டு நாங்கள் வெறும் உற்சாகத்தை மட்டுமல்லாது, புதுமைக்கான தேடல் மற்றும் துணிவுடைய இளைஞர்களின் ஆழமான நம்பிக்கையையும் கண்டோம். வகுப்பறைக்கு அப்பால் சென்று நிஜ வாழ்க்கைத் திறன்கள், தனிப்பட்ட கண்டுபிடிப்பு மற்றும் நோக்கத்துடன் இயங்கும் வளர்ச்சியை செயல்படுத்த கல்வி அவசியம் என்ற எங்கள் நம்பிக்கையை இந்த நிகழ்ச்சி பிரதிபலிக்கிறது. நாடு முழுவதும் இந்த திறனை வளர்ப்பதன் மூலம், எதிர்கால நிபுணர்களை உருவாக்குவது மட்டுமல்லாமல், எதிர்காலத் தலைவர்களையும் உருவாக்குகிறோம்” என்றார்.
ஜான் கீல்ஸ் ஹோல்டிங்ஸின் நுகர்வோர் உணவுத் துறையின் தலைவர் தமிந்த கம்லத் உரையாற்றுகையில் “எலிஃபண்ட் ஹவுஸில், இலங்கையின் அடுத்த தலைமுறையினரை ஊக்குவிப்பது மட்டுமல்லாமல், அவர்களை மேம்படுத்துவதற்கான சந்தர்ப்பங்களை உருவாக்கிக் கொடுப்பதிலும் நாங்கள் நம்பிக்கை கொண்டுள்ளோம். இளைஞர்களுக்கு வாய்ப்பு, வழிகாட்டுதல் மற்றும் ஊக்கம் வழங்கப்படும்போது, அவர்கள் குறிப்பிடத்தக்க புத்திசாலித்தனத்துடன் சவால்களை எதிர்கொள்கிறார்கள் என்பதை சூப்பர் ஹீரோஸ் சீசன் 3 மீண்டும் ஒருமுறை நிரூபித்துள்ளது.
இந்த முயற்சி தனிப்பட்ட திறனைக் கண்டறிவதை விடவும், சமூகங்கள் மற்றும் வேறுபட்ட துறைகளில் மாற்றத்தினை உருவாக்கியது மட்டுமல்லாமல் சிறந்த எதிர்காலத்தை வடிவமைக்கத் தேவையான மனநிலை மற்றும் திறன்களுடன் கூடிய இளைஞர்களை உருவாக்கும் பயணத்தின் ஒரு பகுதியாக அமைவதில் நாங்கள் பெருமை கொள்கிறோம்” என்றார்.
இந்த திட்டத்திற்கு கீல்ஸ் க்ரெஸ்ட் பிராண்டுகளின் பிறப்பிடமான கீல்ஸ் ஃபுட் புராடக்ட்ஸ் பிஎல்சி, புதுமை மற்றும் நிலைத்தன்மை கூறுகளை வலுப்படுத்த உதவிய ஜான் கீல்ஸ் ரிசர்ச், மேலும் இந்த திட்டத்தின் சமையல் பயிற்சி பரிமாணத்தை வளப்படுத்திய சினமன் ஹாஸ்பிடாலிட்டி அகாடமி ஆகியவை ஆதரவளித்தன.
சீசன் 3 நிறைவடையும் வேளையில், எலிஃபண்ட் ஹவுஸ் சூப்பர் ஹீரோஸ் அடுத்த தலைமுறையினரிடையே செயல்நோக்கம், தலைமைத்துவம் மற்றும் திறமையை வளர்க்கும் ஒரு மாற்றத்தை ஏற்படுத்தும் தளமாகத் தொடர்ந்து நிலை நிற்கிறது. இந்தபயணம் இத்துடன் முடிவதில்லை. ஒவ்வொரு சீசனிலும், இந்த நோக்கம் வலுவடைந்து, புதுமை, துணிச்சலான சிந்தனை மற்றும் தேசிய பெருமை ஆகியவற்றினை அடித்தளமாகக் கொண்ட இளைஞர்களால் வழிநடத்தப்படும் எதிர்காலத்தை இலங்கைக்குள் உருவாக்கும்.
