இலங்கையிலும் சர்வதேச கிரிக்கெட் அரங்கிலும் நட்சத்திர வீரராக விளங்கும் பெத்தும் நிஸ்ஸங்க, ‘பிறீமா கொத்துமீ’ (Prima KottuMee) வர்த்தகாநமத்தின் புதிய தூதுவராக (Brand Ambassador) உத்தியோகபூர்வமாக அறிவிக்கப்பட்டுள்ளார். இந்த இணைவானது பிறீமா கொத்துமீ வர்த்தகநாமம் பிரதிபலிக்கும் இளமைத் துடிப்பையும் உற்சாகத்தையும் மேலும் வலுப்படுத்துவதாக அமைகிறது.
“பெத்தும் நிஸ்ஸங்க எமது பிறீமா கொத்துமீ வர்த்தகநாமத்திற்கு மிகவும் பொருத்தமானவர்” என Prima Group Sri Lanka பொது முகாமையாளர் சஜித் குணரத்ன தெரிவித்தார். அவர் மேலும் தெரிவிக்கையில், “எமது வர்த்தகாநமத்தின் அடையாளமாக விளங்கும் வேகம், ஆர்வம் மற்றும் விடாமுயற்சி ஆகியவற்றை அவர் பிரதிபலிக்கிறார். அவர் நாட்டின் இளைஞர்களின் கனவுகளோடும் ஆற்றலோடும் நெருங்கிய தொடர்பைக் கொண்டுள்ளார். நாம் எப்போதும் வளர்ந்து வரும் திறமையாளர்களை ஊக்குவிப்பதிலும் அடுத்த தலைமுறைக்கு முன்னுதாரணமாக இருப்பதிலும் நாம் நம்பிக்கை கொண்டுள்ளோம். பெத்துமுடனான இந்த பங்காளித்துவம் எமது இந்த அர்ப்பணிப்பை உறுதிப்படுத்துவதோடு, பிறீமா கொத்துமீயின் இளமைத் துடிப்பை மக்களிடையே கொண்டு சேர்க்கும்” என்றும் அவர் குறிப்பிட்டார்.
பெத்தும் நிஸ்ஸங்க தற்போது ICC தரவரிசையில் முன்னணியில் உள்ள இலங்கை வீரர்களில் ஒருவராவார். தனது கன்னி டெஸ்ட் போட்டியில் சதம் பெற்ற அவர், ஒருநாள் (ODI) போட்டியில் இரட்டைச் சதம் பெற்ற முதல் இலங்கையர் என்ற வரலாற்றுச் சாதனையையும் படைத்துள்ளார். எந்தவொரு அழுத்தமான சூழ்நிலையிலும் நிதானமாக விளையாடும் அவரது திறமை, அவரை நாட்டின் மிகவும் நம்பிக்கைக்குரிய கிரிக்கெட் நட்சத்திரமாக உயர்த்தியுள்ளது.
இந்த புதிய இணைவு குறித்து தனது மகிழ்ச்சியைத் தெரிவித்த பெத்தும் நிஸ்ஸங்க, “பிறீமா கொத்துமீயுடன் இணைவது எனக்குப் பெருமை அளிக்கிறது. என்னைப் பொறுத்தவரை, இது ஒரு துடிப்பான மற்றும் உற்சாகமான வாழ்க்கை முறையைக் கொண்டாடும் பயணமாகும். கிரிக்கெட் மைதானமாக இருந்தாலும் சரி, சாதாரண வாழ்க்கையாக இருந்தாலும் சரி, எப்போதும் உற்சாகமாக இருப்பதிலும் ஒவ்வொரு தருணத்தையும் மறக்கமுடியாததாக மாற்றுவதையே நான் விரும்புகிறேன். இந்த இணைவின் ஊடாக இலங்கை முழுவதிலும் உள்ள எனது இரசிகர்களுடன் இணைந்து, பிறீமா கொத்துமீயின் துடிப்பான ஆற்றலைப் பகிர்ந்து கொள்ள ஆவலுடன் காத்திருக்கிறேன்” என்றார்.
நாடு முழுவதும் ஒரு Hot ’N’ Spicy (காரசாரமான) கிரிக்கெட் பருவம் ஆரம்பமாக உள்ள நிலையில், பெத்தும் நிஸ்ஸங்க மற்றும் பிறீமா கொத்துமீ ஏற்படுத்தியுள்ள இந்த இணைப்பு மிகச் சரியான நேரத்தில் அமைந்துள்ளது. கிரிக்கெட் மீண்டும் இலங்கையர்களின் கவனத்தை ஈர்த்துள்ள நிலையில், இளைஞர்களின் விருப்பத்திற்குரிய ஒரு வர்த்தகநாமம் மற்றும் சர்வதேச ரீதியில் புகழ்பெற்ற ஒரு விளையாட்டு வீரர் ஆகியோரின் இந்த கூட்டணி, வாழ்க்கையின் மீதான அவர்களின் hot and spicy (சுவாரஸ்யமான) அணுகுமுறையை வெளிப்படுத்துகிறது.
