FIDE-இன் முதன்மை அனுசரணையாளராகவும், தொழில்நுட்பக் கூட்டாளராகவும் Salesforce இணைந்துள்ளது
உலகின் முன்னணி AI CRM நிறுவனமான Salesforce (NYSE: CRM), சர்வதேச சதுரங்க சம்மேளனத்துடன் (International Chess Federation – FIDE) உடன் பல ஆண்டுகளைக் கொண்ட ஒரு முக்கியக் கூட்டாண்மையை அறிவித்துள்ளது. இதன் மூலம், 2026-28 காலப்பகுதிக்கான FIDE உலக சாம்பியன்ஷிப் போட்டிகளின் முதன்மை அனுசரணையாளராகவும், FIDE உலக சதுரங்க சாம்பியன்ஷிப் மற்றும் FIDE தரவரிசைப் பட்டியல்களுக்கான உத்தியோகபூர்வ செயற்கை நுண்ணறிவுக் கூட்டாளராகவும் Salesforce செயல்படவுள்ளது.
இந்த ஒத்துழைப்பானது, Agentic Enterprise கட்டமைப்பைச் செயல்படுத்தும் Salesforce-இன் முழுமையான செயற்கை நுண்ணறிவுத் தீர்வுத் தொகுப்பான Agentforce 36-ஐப் பயன்படுத்தி, FIDE-இன் செயல்பாடுகள், வீரர்களின் தரவரிசை மற்றும் இரசிகர்களுடனான தொடர்பு ஆகியவற்றை ஒரே அறிவார்ந்த தளத்தின் கீழ் ஒருங்கிணைக்கும். மேலும், FIDE-இன் உலகளாவிய அணிகளை இணைக்கவும், அதன் உலகளாவிய செயல்பாடுகளில் பணிப்பாய்வுகளை சீரமைக்கவும் Slack தளம் பயன்படுத்தப்படும்.
இந்தக் கூட்டாண்மையானது 2026 மற்றும் 2028-ஆம் ஆண்டுகளுக்கான உலக சாம்பியன்ஷிப் போட்டிகள், 2027-ஆம் ஆண்டிற்கான மகளிர் போட்டி மற்றும் உலகத் தரவரிசை ஆகியவற்றை உள்ளடக்கியது. இவை இனி Salesforce FIDE World Chess Championships மற்றும் Salesforce FIDE Rankings ஆகிய பெயர்களில் வழங்கப்படும்.
1924 முதல் சதுரங்க விளையாட்டை நிர்வகித்து வரும் அமைப்பான FIDE, 195 நாடுகளில் உள்ள 204 தேசிய உறுப்புச் சங்கங்கள், 15 இலட்சம் தரவரிசை பெற்ற வீரர்கள் மற்றும் ஆண்டுதோறும் நடைபெறும் பல்லாயிரக்கணக்கான தரவரிசைக்குரிய போட்டிகள் ஆகியவற்றை மேற்பார்வையிடுகிறது. Agentforce 360 மூலம், ஒரு ஒருங்கிணைந்த தளத்தில் FIDE செயல்படவுள்ளது. இது உலகெங்கிலும் உள்ள வீரர்கள், சங்கங்கள் மற்றும் இரசிகர்களுடன் தொடர்புகொள்வதற்கான புதிய வழிகளை உருவாக்கும்.
Chess Concierge Agent மூலம் இரசிகர்கள் செயற்கை நுண்ணறிவால் இயங்கும் ஈடுபாட்டை அனுபவிப்பார்கள். இது, மாதந்தோறும் வரும் 12 இலட்சம் பார்வையாளர்களுக்கு எந்த மொழியிலும் தரவரிசைகள், விதிகள் மற்றும் நேரலைப் போட்டிப் புதுப்பிப்புகள் குறித்த தகவல்களை வழங்குகிறது. ELO Player Rating Agent வீரர்களின் தரவரிசைகள், வரலாற்றுப் போக்குகள், முடிவுகள், நுண்ணறிவுகள் மற்றும் கணிப்புகளுக்கான உரையாடல் வழி அணுகலை வழங்கும். அதே நேரத்தில், கூட்டமைப்புகள் முழுவதும் தரவரிசைத் தரவுப் பாதைகளைத் தானியக்கமாக்கும்.
Data 360-இன் உதவியுடன், தனது வீரர் தரவுத்தளத்தையும், ஆண்டுதோறும் நடைபெறும் 60,000-க்கும் மேற்பட்ட நிகழ்வு ஒளிபரப்புகளையும் ஒருங்கிணைத்து, ஒருங்கிணைக்கப்பட்ட நிகழ்நேர இரசிகர் மற்றும் வீரர் சுயவிபரங்களை FIDE வழங்கும். இதன் மூலம், செயற்கை நுண்ணறிவு மற்றும் புதுமைகளின் வழியாக சதுரங்கத்தின் எதிர்காலத்தை மேம்படுத்தும்.
