ஜோன் கீல்ஸ் சிஜி ஆட்டோ, இந்திரா சர்வீஸ் பார்க் புதிய ‘3S’ வசதி

BYD நிறுவனம் மற்றும் அதன் இலங்கைக்கான முகவரான ஜோன் கீல்ஸ் சிஜி ஆட்டோ, இந்திரா சர்வீஸ் பார்க் (Indra Service Park) உடன் இணைந்து கண்டியில் புதிய ‘3S’ (விற்பனை காட்சியறை, சேவை நிலையம் மற்றும் உதிரிப்பாகங்கள்) வசதியை அண்மையில் உத்தியோகபூர்வமாகத் திறந்து வைத்துள்ளது. மத்திய மாகாணத்தில் உள்ள BYD வாடிக்கையாளர்களுக்கு விற்பனைக்குப் பின்னரான சேவைகளை மிக இலகுவாகவும், விரிவாகவும் வழங்கும் நோக்கில் இந்த விஸ்தரிப்பு மேற்கொள்ளப்பட்டுள்ளது. இந்த அங்குரார்ப்பண நிகழ்வில், BYD இன் ஆசிய பசிபிக் வாகன விற்பனைப் பிரிவின் பிரதிப் பொது முகாமையாளர் Ketsu Zhang, ஜோன் கீல்ஸ் சிஜி ஆட்டோ மற்றும் இந்திரா சர்வீஸ் பார்க் ஆகியவற்றின் உயர் அதிகாரிகள் பலரும் கலந்துகொண்டனர். இந்தப் புதிய நிலையத்தின் ஊடாக பிராந்திய ரீதியாக தனது சேவை வலையமைப்பை வலுப்படுத்துவதில் BYD மற்றொரு முக்கிய மைல்கல்லை எட்டியுள்ளது.