இலங்கையின் உணவுக் கைத்தொழில் துறை நாட்காட்டியில், பெரிதும் எதிர்பார்க்கப்படும் நிகழ்வான ‘Profood Propack & Agbiz Knowledge Hub 2026’ கண்காட்சியானது, இலங்கை உணவுப் பதப்படுத்துவோர் சங்கத்தினால் (SLFPA), Lanka Exhibition and Conference Services (LECS) உடன் இணைந்து, 2026 ஓகஸ்ட் 21 முதல் 23 வரை கொழும்பு BMICH இல் நடாத்த திட்டமிடப்பட்டுள்ளது.
மார்ச் 10 ஆம் திகதி சினமன் கிராண்ட் கொழும்பில் இடம்பெற்ற 22ஆவது பதிப்பின் விருது வழங்கும் விழாவின் போது இந்த அறிவிப்பு வெளியிடப்பட்டது. இத்துறையில் சிறந்து விளங்குபவர்களைக் கௌரவிப்பதற்காக தொழில்துறை தலைவர்கள் மற்றும் முக்கிய பங்குதாரர்கள் இவ்விழாவில் ஒன்றுகூடினர். SLFPA தனது எதிர்கால தொலைநோக்கு பார்வையை எடுத்துக் காட்டுவதற்கும், எதிர்வரவிருக்கும் ஆண்டில் மேலும் விரிவான மற்றும் தாக்கத்தை ஏற்படுத்தக்கூடிய ஒரு பதிப்பிற்கான திட்டங்களை வெளியிடுவதற்கும் இந்நிகழ்வு சிறந்த தளமாக அமைந்தது.
தொழில் அமைச்சு, தேசிய விவசாய வர்த்தக சபை மற்றும் இலங்கையின் உணவு விஞ்ஞான மற்றும் தொழில்நுட்ப நிறுவனம் (IFSTSL) ஆகியவற்றின் அங்கீகாரத்தை பெற்றுள்ள ‘Profood Propack 2026’, இலங்கையின் உணவுத் துறையை மேம்படுத்துவதற்கும் பரந்த பொருளாதார வளர்ச்சியை ஆதரிப்பதற்கும் கடந்த 25 ஆண்டுகளுக்கும் மேலாக SLFPA இன் முதன்மையான தளமாக விளங்கி வருகிறது. இந்த கண்காட்சியானது விவசாயம், உணவு பதப்படுத்தல், பொதியிடல் மற்றும் அதனுடன் தொடர்புடைய தொழில்துறைகளின் தலைவர்களை ஒன்றிணைப்பதுடன், புத்தாக்கம், அறிவுப் பகிர்வு மற்றும் மூலோபாய ரீதியான ஒத்துழைப்பையும் மேம்படுத்துகிறது.
இந்நிகழ்வில் SLFPA இன் தலைவர் துசித் விஜேசிங்க உரையாற்றுகையில், “Profood Propack & Agbiz Knowledge Hub 2026 ஆனது, தொடர்ச்சியாக இலங்கையின் உணவுத் தொழில்துறைக்கான புதிய அளவுகோல்களை நிர்ணயித்து வருகின்றது. முக்கிய உள்நாட்டு மற்றும் சர்வதேச பங்குதாரர்களை ஒன்றிணைப்பதன் மூலம், இக்கண்காட்சியானது இத்துறையில் புத்தாக்கம், ஒத்துழைப்பு மற்றும் வளர்ச்சியை ஊக்குவிக்கின்றது.” என்றார்.
Profood Propack ஆனது விநியோகஸ்தர்கள், உற்பத்தியாளர்கள் மற்றும் தொழில்துறை வல்லுநர்களை ஒன்றிணைப்பதுடன், உணவு மற்றும் பான உற்பத்தி, பதப்படுத்தல், பொதியிடல் இயந்திரங்கள் மற்றும் விருந்தோம்பல் துறையின் புதிய முன்னேற்றங்களை காட்சிப்படுத்துகிறது. நவீன உணவுத் துறையின் அதிகரித்து வரும் தேவைகளைப் பூர்த்தி செய்வதற்காக செயற்பாட்டுத் திறன், ஸ்மார்ட்டான உற்பத்தி மற்றும் நிலைபேறான நடைமுறைகளையும் இக்கண்காட்சி முன்னிலைப்படுத்துகிறது.
இது குறித்து, Profood Propack & Agbiz Knowledge Hub 2026 ஏற்பாட்டுக் குழுவின் இணைத் தலைவர்களான நதிஷன் குருகே மற்றும் சமீர ஜயதிலக குறிப்பிடுகையில், “மூலோபாய கூட்டாண்மைகளை எளிதாக்கும் அதேவேளையில், சிறிய மற்றும் நடுத்தர மட்டத்திலான கைத்தொழில்கள் (SMEs) மற்றும் தொழில்முனைவோரை வலுப்படுத்துவதே எமது இவ்வருட முன்னுரிமையாகும். மேம்படுத்தப்பட்ட வசதிகள் மற்றும் சர்வதேச பங்கேற்புடன், அனைவருக்கும் பெறுமதிமிக்க நுண்ணறிவு மற்றும் வாய்ப்புகளை இக்கண்காட்சி வழங்கும் என உறுதியளிக்கிறது. Knowledge Hub (அறிவு மையம்) இன் கீழ், எமது உறுப்பினர்களுக்காக தொழில்துறை சார்ந்த கருத்தரங்குகளையும் நாம் திட்டமிட்டுள்ளோம்.” என்றனர்.
இந்நிகழ்வு வலுவான வர்த்தகங்களுக்கு இடையிலான (B2B) வலையமைப்பை ஏற்படுத்துகிறது, இது கூட்டாண்மைகள், வர்த்தக ஒப்பந்தங்கள் மற்றும் சந்தை விரிவாக்கத்தை சாத்தியமாக்குகிறது. இதன் மூலம் புதிய தொழில் முயற்சிகள் (Startups), சிறிய மற்றும் நடுத்தர அளவிலான கைத்தொழில்கள் மற்றும் ஏற்கனவே நிலைபெற்றுள்ள வர்த்தகநாமங்கள் மேலும் வளர்வதற்கான ஒரு தளத்தை வழங்கும் அதேநேரம், உலகளாவிய நிபுணத்துவம் மற்றும் புத்தாக்கங்களை சர்வதேச கண்காட்சியாளர்கள் நாட்டுக்கு கொண்டு வருவதன் மூலம், பிராந்திய உணவு மற்றும் பொதியிடல் மையமாக இலங்கையின் நிலையை வலுப்படுத்துகின்றனர்.
அறிவுப் பகிர்வு என்பது இந்த ஆண்டும் ஒரு முக்கிய மையமாக அமைகின்றது. விரிவுபடுத்தப்பட்ட Knowledge Hub ஆனது, நேரடிச் செய்முறை விளக்கங்கள் மற்றும் நிபுணர்கள் தலைமையிலான அமர்வுகள் ஆகியவற்றுடன் இணைந்து, திறன் மேம்பாடு மற்றும் தொழில்துறை நுண்ணறிவுகளுக்கு இடமளிக்கிறது. அதேவேளையில், பிரத்தியேகமான நுகர்வோர் உதவி மையம் (Consumer Assistance Desk) ஆனது, வளர்ந்து வரும் தொழில்முனைவோர் வாய்ப்புகளை கண்டறியவும், வணிக சூழலை திறம்பட கையாளவும் வழிகாட்டுகின்றது.
Profood Propack ஆனது முக்கிய பொருளாதார மற்றும் தேசிய முக்கியத்துவத்தை கொண்டுள்ளது. இது இலங்கையின் உணவு, பானங்கள், பொதியிடல் மற்றும் விவசாய தொழில்துறைகளின் வளர்ச்சிக்கு பங்களிப்பதுடன், ஏற்றுமதி மேம்பாடு, சுற்றுலா மற்றும் வேலைவாய்ப்பு உருவாக்கத்தையும் ஆதரிக்கிறது. இது கைத்தொழில் வளர்ச்சி மற்றும் பெறுமதி சேர் அம்சங்கள் (Value addition) ஆகியவற்றுக்கான தேசிய நோக்கங்களுடன் நெருக்கமாக ஒத்துப்போகின்றது.
வர்த்தகம், புத்தாக்கம் மற்றும் நிபுணத்துவத்தை ஒன்றிணைப்பதன் மூலம், Profood Propack & Agbiz Knowledge Hub 2026 கண்காட்சியானது உணவு, பானங்கள் மற்றும் பொதியிடல் துறைகளுக்கான பிராந்திய மையமாக இலங்கையின் பங்கை வலுப்படுத்தும். நாட்டின் சுறுசுறுப்பான உணவு மற்றும் பொதியிடல் துறையில் உங்கள் வணிகத்தை முன்னணியில் நிலைநிறுத்துவதற்கு தொழில்துறை தலைவர்கள், புத்தாக்க சிந்தனையாளர்கள், தொழில்முனைவோர் மற்றும் பங்குதாரர்களுடன் இணைந்து கொள்ளுங்கள்.
Profood Propack & Agbiz Knowledge Hub 2026 இன் பிளாட்டினம் அனுசரணையாளர்களாக Cargills Ceylon PLC, Maliban Biscuit Manufactories (Pvt) Ltd., MULTIVAC LARAON India Pvt. Ltd., Nikini Automation, Pakona Engineers (India) Pvt. Ltd. ஆகியன உள்ளடங்குகின்றன. Gold அனுசரணையாளர்களாக Aussee Oats Milling (Pvt) Ltd., Freelan Enterprises, Nestle Lanka Limited ஆகியன உள்ளடங்குகின்றன. வெள்ளி அனுசரணையாளர்களாக Akhtari Trades Pvt Ltd., Alli Company (Pvt) Ltd., CMC Engineering Export GmbH, Country Style Foods (Pvt) Ltd., FMJ Plastics (Pvt) Ltd., FPT Food Process Technology Co. Ltd., Goma Engineering (Pvt) Ltd., Maliban Dairy & Agri Products (Pvt) Ltd., Maliban Milk Products (Pvt) Ltd., Nelna Farm (Pvt) Ltd., Pro Tec Global (Pvt) Ltd., Rancrisp Marketing (Pvt) Ltd., Zellers Chocolate ஆகியன உள்ளடங்குகின்றன.
