இலங்கையில் வணிகங்கள் புதிய யுகமொன்றில் காலடியெடுத்து வைப்பதற்கு வளர்ச்சி காண்பதற்கு உதவுவதற்காக, ஹட்ச் ஸ்ரீலங்கா நிறுவனம் தனது சர்வதேச வலையமைப்பின் அனுகூலத்தைப் பயன்படுத்தி மிகச் சிறந்த நிறுவனத் தீர்வுகளை அறிமுகப்படுத்தியுள்ளது. உறுதிமிக்க டிஜிட்டல் இலக்குகளை நோக்கி நாடு முன்னேற்றம் கண்டு வருகின்ற காலகட்டத்தில், Global Fortune 500 பெரு நிறுவனமாகத் திகழும் CK Hutchison Holdings என்ற தனது தாய்நிறுவனத்தின் பக்கபலத்துடன், தான் சிறப்பாகச் செயற்பட்டு வருகின்ற உலகளாவிய டிஜிட்டல் நிபுணத்துவத்தை இலங்கையிலும் அறிமுகப்படுத்துவதற்கான மிகச் சரியான தருணம் இதுவேயென நிறுவனம் எண்ணுகின்றது. 11 நாடுகளில் இயங்கி வருகின்ற, தொலைதொடர்பாடல்கள் துறையில் உலகளாவிய முன்னோடியான CK Hutchison Group, ஐரோப்பாவில் தொலைதொடர்பாடல் துறையில் டிஜிட்டல் ரீதியான முன்னேற்றங்களை வழிநடத்துவதில் முன்னோடியாகத் திகழ்ந்துள்ளது. மேலும், வளர்ச்சி கண்டு வருகின்ற சந்தைகளில் டிஜிட்டல் அபிலாஷைகளை முன்னேற்றுவதற்கும் சிறப்பாக வழிகாட்டியுள்ளது.
இலங்கை நாடானது முன்னெப்போதும் இல்லாத அளவுக்கு டிஜிட்டல் ரீதியான வளர்ச்சியை மிக வேகமாக அடைகாத்து வருகின்ற நிலையில், வணிகத்துறைக்கென பிரத்தியேக சேவைகளை வழங்கும் தனது சேவைப் பிரிவின் மூலமாக தனது நிறுவன தீர்வுகளை ஹட்ச் ஸ்ரீலங்கா நிறுவனம் உரிய முறையில் வழங்கி வருகின்றது. நிறுவனங்கள், சிறிய மற்றும் நடுத்தர அளவிலான தொழில் முயற்சிகள், தொடக்க வணிகங்கள், அரச நிறுவனங்கள் மற்றும் நிர்வாக அமைப்புக்கள் ஆகியவற்றின் மத்தியில் அதிகரித்து வருகின்ற தேவைகளை நிறைவேற்றுவதற்கு இந்த சேவைப்பிரிவு மிகச் சிறப்பான ஸ்தானத்தில் உள்ளது.
செலவுகளின் அழுத்தங்கள், வாடிக்கையாளர்கள் மத்தியில் தலைதூக்கி வருகின்ற புதிய எதிர்பார்ப்புக்கள், மற்றும் தொழிற்பாட்டு ரீதியில் நெகிழ்திறனுக்கான தேவை ஆகியன நிலவுகின்ற வணிகச் சூழலில், விரைவான, விரிவுபடுத்தக்கூடிய, மற்றும் நடைமுறைக்கு ஏற்ற, சிக்கனமான செலவு கொண்ட டிஜிட்டல் சேவைகள் காலத்தின் கட்டாயமாக மாறியுள்ளன. சர்வதேச ரீதியான மிகச் சிறந்த நடைமுறைகள் மற்றும் நிபுணத்துவம் ஆகியவற்றின் வலுவைக் கொண்டுள்ள HUTCH Enterprise, ஒருங்கிணைக்கப்பட்ட துறையின் கீழ் இணைப்பு வசதி மற்றும் டிஜிட்டல் சேவைகள் ஆகியவற்றை ஒன்றாக வழங்குகின்றது. அந்த வகையில், ஹட்ச் நிறுவனம் இணைப்பு வசதி மற்றும் தொழில்நுட்ப தீர்வுகள் ஆகிய இரண்டுக்கும் இடமளிக்கின்ற ஒரு சேவை வழங்குனர் என்ற சிறப்பான ஸ்தானத்தில் உள்ளது.
இணைப்பு வசதிகள், டிஜிட்டல் மென்பொருள், சர்வதேசரீதியாக அங்கீகாரம் பெற்ற பயன்பாடுகள் என பல்வகைப்பட்ட சேவைகள், மற்றும் வணிகங்களின் குறிப்பிட்ட தேவைப்பாடுகளுக்கு ஏற்ற வகையில் பிரத்தியேகமாக வடிவமைக்கப்பட்ட தீர்வுகள் என விரிவான சேவைகளை HUTCH Enterprise துறை உள்ளடக்கியுள்ளது. தொழில்முறை பயன்பாட்டுக்கான மொபைல் (mobile-for-business), IOT இணைப்புக்கள், குத்தகை அடிப்படையில் இணைய இணைப்புக்கள் (Internet Leased Lines), பன்முக ஈடுபாட்டுத் தீர்வுகள் போன்ற இணைப்பு வசதிகளை இது உள்ளடக்கியுள்ளது. களப் பதிவு (domain registration) மற்றும் இணைய வடிவமைப்பு போன்ற டிஜிட்டல் இருப்பு சேவைகள், பணித்தள டிஜிட்டல்மயமாக்கல் பயன்பாடுகள் மற்றும் சேவைகள், கிளவுட் கணினி வலையமைப்பு (cloud computing) மற்றும் இணையப் பாதுகாப்பு (cyber security) மற்றும் API சேவைகள் என அனைத்தும் ஒரே இடத்தில் வழங்கப்படுகின்றன.
ஹட்ச் ஸ்ரீலங்கா நிறுவனத்தின் பிரதம சந்தைப்படுத்தல் அதிகாரி ஹம்தி ஹசன் அவர்கள் இது குறித்து கருத்து தெரிவிக்கையில், “டிஜிட்டல் படிநிலை மாற்றம் மற்றும் வணிக வலுவூட்டல் ஆகியவை தற்போது காலத்தின் கட்டாயமாக மாறியுள்ளன. வணிகரீதியான போட்டித்திறனைத் தக்க வைப்பதற்கும் மற்றும் நாட்டின் பொருளாதார நெகிழ்திறனுக்கும் இவை அத்தியாவசியமானவை. HUTCH Enterprise ஊடாக இலங்கையில் வணிகங்களுக்கு மிகவும் பொருத்தமான வழிமுறைகளில் அவை இலகுவில் அணுகக்கூடிய மற்றும் நடைமுறைக்கு ஏற்ற வழியில் இணைப்பு வசதிகள் மற்றும் டிஜிட்டல் தீர்வுகள் ஆகியவற்றை ஒன்றாக வழங்கும் பயணத்தை நாம் மிகவும் இலகுபடுத்தியுள்ளோம். 2030ம் ஆண்டளவில் டிஜிட்டல் பொருளாதாரத்தின் மூலமாக 15 பில்லியன் அமெரிக்க டொலர் இலக்கினை எட்ட வேண்டும் என்ற இலங்கையின் குறிக்கோளை அடைவதற்கு, உள்ளூர் அல்லது சர்வதேச பொருளாதாரத்தில் திறன்மிக்க வழியில் பங்கெடுப்பதற்கு எந்தவொரு வணிகத்திற்கும் வலுவூட்டும் ஆற்றல்மிக்க நிறுவன சேவைத் துறைக்கு ஹட்ச் இடமளிக்கின்றது. சர்வதேச அளவில் மிகவும் பலம்வாய்ந்த CK Hutchison Holdings என்ற எமது தாய்நிறுவனத்தின் பக்கபலத்துடன், உள்ளூரில் உள்ள நிறுவனங்களுக்கு உலகத்தரம் வாய்ந்த தீர்வுகளை வழங்குவதற்கான சிறப்பான ஸ்தானத்தில் நாம் உள்ளோம்.”
