JXG (ஜனசக்தி குழுமத்தின்) துணை நிறுவனமும், இலங்கையின் மூலதனச் சந்தையில் முக்கிய பங்கு வகிப்பதுமான First Capital Holdings PLC, மதிப்புமிக்க World Economic Magazine விருதுகளில் இலங்கையின் முன்னணி முதலீட்டு வங்கி நிறுவனம் – 2026′ ஆக அங்கீகரிக்கப்பட்டுள்ளது. இது, நாட்டின் மிகவும் திறமையான மற்றும் நம்பகமான நிதிச்சேவை நிறுவனங்களில் ஒன்றாக அதன் நிலையை மேலும் வலுப்படுத்துகிறது.
சர்வதேச ரீதியாக அங்கீகரிக்கப்பட்ட தளமான World Economic Magazine, சர்வதேச சந்தைகளில் விசேடத்துவம், புதுமை மற்றும் தலைமைத்துவத்தை வெளிப்படுத்தும் நிறுவனங்களை கொண்டாடுகிறது. இவ்விருது, பொருளாதார முன்னேற்றம் மற்றும் தொழில் முன்னேற்றத்திற்கு அர்த்தமுள்ள பங்களிப்பை வழங்கும் அதே வேளை சிறந்த மூலோபாயத் தாக்கத்தை வெளிப்படுத்தும் நிறுவனங்களை கெளரவிக்கிறது. இவ் விருதுகள், வங்கி, நிதிச்சேவைகள், முதலீடு, fintech, நிர்வாகம் மற்றும் நிலைத்தன்மை உள்ளிட்ட துறைகளில் உள்ள சிறந்த நிறுவனங்களை அங்கீகரிக்கிறது.
இவ் விருதுகளிற்கான பெறுநர்கள் இதழின் ஆய்வு மற்றும் ஆசிரியர் குழுவால் நடத்தப்படும் சுயாதீன மதிப்பீட்டின் மூலம் தேர்ந்தெடுக்கப்படுகிறார்கள். இதன் போது நிறுவனத்தின் செயல்திறன் மற்றும் வளர்ச்சி குறிகாட்டிகள், சந்தை இருப்பு மற்றும் தொழில் தாக்கம் ஆகியவற்றுடன் தலைமைத்துவம், புதுமை மற்றும் மூலோபாய முன்முயற்சிகள் போன்ற முக்கிய அளவுகோல்கள் கருத்திற் கொள்ளப்படுகின்றன. இக் கடுமையான மதிப்பீடு, அங்கீகரிக்கப்பட்ட நிறுவனங்கள் சிறந்து விளங்குவதையும் நிலையான வளர்ச்சி மற்றும் தொழில்துறைத் தலைமையை எடுத்துக்காட்டுவதையும் உறுதி செய்கிறது.
இச் சமீபத்திய சர்வதேச பாராட்டு, இலங்கையின் மூலதனச் சந்தைகளில் First Capital இன் தொடர்ச்சியான தலைமைத்துவத்தையும் வாடிக்கையாளர்களுக்கு புதுமையான நிதித்தீர்வுகள், நம்பகமான ஆலோசனைச் சேவைகள் மற்றும் அபாரமான மதிப்பை வழங்குவதற்கான அதன் அர்ப்பணிப்பையும் பிரதிபலிக்கிறது. இந்த அங்கீகாரமானது, அதன் பல்வேறு வணிகச் செயல்பாடுகளில் விசேடத்துவதை வெளிப்படுத்தல், வெளிப்படைத்தன்மை மற்றும் செயல்திறன் ஆகியவற்றின் நிரூபிக்கப்பட்ட சாதனைப் பதிவுடன் நாட்டின் மிகவும் நம்பகமான முதலீட்டு நிறுவனங்களில் ஒன்றாக அதன் நிலையை மேலும் வலுப்படுத்துகிறது.
இச் சாதனை குறித்து First Capital Holdings PLC இன் முகாமைத்துவப் பணிப்பாளரும் பிரதம நிறைவேற்று அதிகாரியுமான டில்ஷான் வீரசேகர கருத்துத் தெரிவிக்கையில், “World Economic Magazine விருதுகளால் இலங்கையின் முன்னணி முதலீட்டு வங்கி நிறுவனமாக அங்கீகரிக்கப்பட்டமை First Capital நிறுவனத்தின் முக்கிய சாதனைகளில் ஒன்றாகும். இது எங்கள் வணிக மாதிரியின் வலிமை, வாடிக்கையாளர்கள் எம்மீது வைத்துள்ள நம்பிக்கை மற்றும் எங்கள் குழுவின் அர்ப்பணிப்பு ஆகியவற்றிற்கான சான்றாகும். சந்தையில் முன்னணி நிதித்தீர்வுகளை வழங்குவதற்கும், எமது செயற்பாடுகளில் புதுமைகளை முன்னெடுப்பதற்கும் மற்றும் இலங்கையின் மூலதனச் சந்தைகளின் அபிவிருத்திக்கு அர்த்தமுள்ள பங்களிப்பை வழங்குவதற்குமான எமது அர்ப்பணிப்பை இந்த அங்கீகாரம் பிரதிபலிக்கிறது. எமது வளர்ச்சிப் பயணத்தைத் தொடரும்போது, நாட்டின் பரந்த பொருளாதார முன்னேற்றத்திற்கு ஆதரவளிக்கும் அதே வேளையில் அனைத்து பங்குதாரர்களுக்கும் நிலையான மதிப்பை உருவாக்குவதில் கவனம் செலுத்துகிறோம்.” என்றார்.
பல வருடங்களாக, First Capital இலங்கையின் நிதிச்சந்தையை வடிவமைப்பதில் தொடர்ந்து முக்கிய பங்காற்றி வருகிறது. முதலீட்டு வங்கியியல், செல்வ (Wealth) முகாமைத்துவம், நிலையான வருமானம் மற்றும் பங்கு முகவர் ஆகிய பரந்துபட்ட சேவைத் தொகுப்பை வழங்குகிறது. வாடிக்கையாளர்களை மையமாகக் கொண்ட அணுகுமுறையுடன் ஆழ்ந்த சந்தை நிபுணத்துவத்தை இணைத்து தனிநபர்கள், நிறுவனங்கள் மற்றும் அமைப்புக்களிற்கு நம்பிக்கையுடன் வளரும் சந்தை வாய்ப்புகளை வழிநடத்துவதற்கான நற்பெயரை நிறுவனம் பெற்றுள்ளது.
இச் சர்வதேச அங்கீகாரம், First Capital புதுமை, மூலோபாயச் செயலாக்கம் மற்றும் விசேடத்துவம் மீது இடைவிடா கவனம் செலுத்துவதன் மூலம் தனது சந்தை இருப்பை தொடர்ந்து வலுப்படுத்திக் கொண்டிருக்கும் வேளையில் கிடைத்துள்ளது. தொழில்முறை நிபுணத்துவம் மற்றும் நிர்வாகத்தின் உயர் தரங்களைப் பேணுவதன் மூலம் இலங்கையின் நிதித்துறையின் முன்னேற்றத்திற்கு பங்களிக்கும் அதே வேளை முதலீட்டாளர்கள் மற்றும் வணிகங்களுக்கு ஆதரவளிக்க நிறுவனம் சிறந்த நிலையில் உள்ளது.
First Capital, அதன் தாக்கம் மற்றும் அணுகலை தொடர்ந்து விரிவுபடுத்தி வரும் வேளையில், இவ் விருது, மூலதனச் சந்தை நிலப்பரப்பில் அதன் தலைமைத்துவத்திற்கும் இலங்கையிலும் அதற்கு அப்பாலும் உள்ள மூலதனச் சந்தைகளின் எதிர்காலத்தை வடிவமைப்பதில் அதன் தொடர்ச்சியான அர்ப்பணிப்புக்கும் வலுவான அங்கீகாரமாக விளங்குகிறது.
First Capital Holdings PLC பற்றி
இலங்கையில் காணப்படும் பட்டியலிடப்பட்ட முழு-சேவை முதலீட்டு நிறுவனமாக First Capital Holdings PLC திகழ்வதுடன், முதன்மை அரசுப் பத்திர வர்த்தகர், பெருநிறுவன நிதி ஆலோசகர், சொத்து முகாமையாளர் மற்றும் பங்குமுகவராக இயங்குகின்றது. உறுதித்தன்மையை கட்டியெழுப்புவது, போட்டிகரமான அனுகூலத்தை ஊக்குவிப்பது மற்றும் சிறந்த வாடிக்கையாளர் அனுபவத்தை பெற்றுக் கொடுப்பது போன்றவற்றில் உறுதியான கவனத்தை செலுத்துவதுடன், ஜனசக்தி குழுமத்தின் ஆதரவுடன், First Capital, ‘செயலாற்றுகை முதலில்’ எனும் தனது கோட்பாட்டுக்கமைய திகழ்வதில் கவனம் செலுத்துகின்றது. மூலதனச் சந்தை தீர்வுகளை வழங்குவதில் நான்கு தசாப்தங்களுக்கும் மேலான நிபுணத்துவத்துத்தை கொண்டுள்ள First Capital Holdings PLC மற்றும் First Capital Treasuries PLC (துணை நிறுவனம்) ஆகியவற்றின் கடன் மதிப்பீடுகள், லங்கா கிரெடிட் ரேட்டிங் ஏஜென்சி லிமிடெட்டால் (LRA) நிலையான கண்ணோட்டத்துடன் ‘ A ‘ இலிருந்து ‘ A+’ ஆக மேம்படுத்தப்பட்டுள்ளது
First Capital Holdings PLC – https://firstcapital.lk/
