2025 செப்டம்பர் 30ஆம் திகதியுடன் முடிவடைந்த ஆறு மாத காலப்பகுதியில் ரிச்சர்ட் பீரிஸ் ஃபைனான்ஸ் லிமிடெட் ஆனது , தனது வலுவான செயல்திறனை வெளிப்படுத்தியுள்ளதோடு மட்டுமல்லாது இதன் மூலமாக தனது தொடர்ச்சியான முன்னேறிச் செல்லும் செயல்திறன், செயல்பாட்டு ஒழுக்கம் மற்றும் நிலையான லாபத்திற்கான உறுதியான வருவாய் போன்றவற்றையும் பிரதிபலித்துள்ளது.
அண்மைக் கால ஆண்டுகளில் ஏற்பட்ட தொற்றுநோய், பணப்புழக்க அழுத்தங்கள் மற்றும் அதிகரித்து வரும் வட்டி செலவுகள் உள்ளிட்ட சவாலான பாரிய பொருளாதார சிக்கல் நிலைமைகளிலும், இந்நிறுவனமானது மீள்தன்மை மற்றும் தெளிவான தனது முன்னேற்றத்தை நிரூபித்துள்ளது.
நடப்பு நிதியாண்டின் முதல் பாதியில், நிறுவனத்திற்கு ரூ. 292 மில்லியன் வரி முன் லாபம் பதிவாகியுள்ளது. இது மேம்படுத்தப்பட்ட முக்கிய கடனளிப்பு செயல்பாடுகள், கட்டுப்பாட்டான செலவுக் மேலாண்மை மற்றும் நன்கு பன்முகப்படுத்தப்பட்ட முதலீட்டு தொகுப்பு ஆகியவற்றால் முன்னெடுக்கப்பட்டது. முக்கிய செயல்திறன் குறியீடுகள் நிறுவனத்தின் நிதி வலிமை மேலும் உயர்ந்ததை வெளிப்படுத்துகின்றன. வரி முன் லாபம் கடந்த ஆண்டுடன் ஒப்பிடுகையில் 75% இற்கும் அதிகமாக உயர்ந்தது, வரிக்குப் பிந்தைய லாபம் 47% வளர்ச்சி கண்டுள்ளது, மேலும் மொத்த சொத்துக்களின் பெறுமதி 20% ஆக அதிகரித்துள்ளதுடன் ரூ. 20 பில்லியனையும் கடந்துள்ளதுடன் குறித்த காலத்திற்குள் சொத்து அடிப்படையை ரூ. 50 பில்லியனாக விரிவுபடுத்தும் நோக்கத்தினையும் நிறுவனம் கொண்டுள்ளது. நிறுவனத்தின் கடனளிப்பு நிலைமை சிறந்த சமநிலையில் காணப்படுகிறது. இதில் வாகன குத்தகை, தங்கக் கடன், இஸ்லாமிக் நிதி, நுகர்வோர் கடன் மற்றும் சமீபத்தில் அறிமுகப்படுத்தப்பட்ட சிறு மற்றும் நடுத்தர தொழில் (SME) துறையை முன்னிலைப்படுத்தும் முன்னிலைப்படுத்தும் “சருமக ” அடமான கடன் வசதிகள் ஆகியவை அடங்கும். இது விரைவான செயலாக்கத்தையும் மேம்பட்ட வாடிக்கையாளர் வசதியையும் வழங்குகிறது.
நிறுவனத்தின் அடிப்படைகள் உறுதியாக உள்ளன, நிலையான வைப்புத்தொகைகள் மற்றும் விவேகமான இடர் மேலாண்மை ஆகியவற்றால் ஆதரிக்கப்படுகின்றன. மேலும் ஃபிட்ச் மதிப்பீடுகளின் நிலையான அவுட்லுக் மூலம் அதன் ‘A(lka)’ கடன் மதிப்பீட்டால் மேலும் வலுப்படுத்தப்படுகிறது. இது அதன் நிதி வலிமை, நிறுவன ஸ்திரத்தன்மை மற்றும் சந்தை நம்பிக்கையை அடிக்கோடிட்டுக் காட்டுகிறது.
நிறுவனத்தின் நிர்வாகக் கட்டமைப்பு, தலைவர் நலின் விஜேகோனின் தலைமையின் கீழ் தொடர்ந்து வளர்ச்சியடைந்து வருகிறது. அபாயம், தணிக்கை, நிதி, தந்திரம், மனிதவளம், டிஜிட்டல் மாற்றம் மற்றும் நிறுவன மேலாண்மை போன்ற துறைகளில் நிபுணத்துவம் பெற்ற இயக்குநர் குழு இதை வலுப்படுத்துகிறது. இந்த ஆழமான தலைமைத்துவ திறன் கடந்த இரண்டு ஆண்டுகளில் நிறுவனத்தின் வளர்ச்சியை நிலையாகத் தக்கவைத்தது மட்டுமல்லாது, அதன் மூலோபாய திசையை வழிநடத்தியதும் முக்கிய காரணியாக அமைந்துள்ளது.
வங்கியின் அடைவுகள் குறித்து கருத்து தெரிவித்த அதன் தலைவர் நலின் விஜேகோன் “எங்கள் செயல்திறன் ஒழுங்குமுறைப்படுத்தப்பட்ட செயலாக்கத்தையும், வாடிக்கையாளர்கள் எங்கள்மீது வைத்திருக்கும் நம்பிக்கையையும் பிரதிபலிக்கிறது. எங்கள் அடித்தளங்களை மேலும் வலுப்படுத்தி, நிலையான மதிப்பை வழங்கி செயல்பட நாம் உறுதிபூண்டுள்ளோம்” என்றார்
தலைமை நிர்வாக அதிகாரி லோஹிக ஃபொன்சேகா தனது உரையில் “ஆண்டின் முதல் பாதி ஊக்கமளிப்பதாக இருந்தது, மேலும் அது எங்களின் நீண்டகால நோக்குடன் ஒருங்கிணைந்து செல்கிறது. நாங்கள் சேவைகளை விரிவுபடுத்தவும், சேவை வழங்குதலை மேம்படுத்தவும், திறம்பட்ட மற்றும் நம்பகமான நிதி தீர்வுகள் மூலம் வாடிக்கையாளர்களை ஆதரிக்கவும் தொடர்ச்சியாக செயல்படுவோம்.” என்றார் அவர் மேலும், கடந்த சில ஆண்டுகளில் நிறுவனத்தின் அபாய அடிப்படையிலான கடன் அணுகுமுறை, மற்றும் அதிக கவனமான வாடிக்கையாளர் தேர்வை உறுதி செய்ய கடன் மற்றும் செயல்பாட்டு பிரிவுகளுக்காக அறிமுகப்படுத்தப்பட்ட மேம்படுத்தப்பட்ட நடைமுறைகள் ஆகியவை முக்கிய முன்னோட்டமாக இருந்தன. இந்த மூலோபாய தொகுப்பை (portfolio) உயர்த்துவதில் மட்டுமல்லாமல், உயர்தர வாடிக்கையாளர் அடிப்படையை பராமரிப்பதிலும் கவனம் செலுத்தியுள்ளது” எனத் தெரிவித்தார்.
ரிச்சர்ட் பீரிஸ் ஃபைனான்ஸ் லிமிடெட் தற்போது நாடு முழுவதும் 18 கிளைகளை செயல்படுத்தி வருகின்றது. மேலும் அணுகல் வசதியை மேம்படுத்துவதற்காக கூடுதல் விரிவாக்கத் திட்டங்களையும் கொண்டுள்ளது.
ரிச்சர்ட் பீரிஸ் ஃபைனான்ஸ் லிமிடெட், இலங்கையின் மிகப் பெரியதும் மிகப் பன்முகப்படுத்தப்பட்ட குழுமங்களிலொன்றுமான ரிச்சர்ட் பீரிஸ் குழுமத்தின் ஒரு பெருமைமிக்க உறுப்பினராகும். இந்தக் குழுமம் சில்லறை விற்பனை, உற்பத்தி, பெருந்தோட்டம், நிதிச் சேவைகள் மற்றும் காப்பீடு போன்ற பல துறைகளில் தனது வணிகச் செயல்பாடுகளை விரிவுபடுத்தியுள்ளது. குழுமத்தின் நிதிச் சேவை பிரிவில் ஆர்பிகோ இன்சூரன்ஸ் பி எல் சி மற்றும் ரிச்சர்ட் பீரிஸ் பைனான்ஸ் லிமிடெட் ஆகியவை அடங்கும். இவை நிதி சேர்க்கை, வாடிக்கையாளர் நம்பிக்கை மற்றும் நிலையான வளர்ச்சி ஆகியவற்றிற்கான ஒருங்கிணைந்த அர்ப்பணிப்பை பிரதிபலிக்கின்றன.
