இலங்கையில் மிக நீண்ட காலமாக நிலைபெற்றுள்ள மற்றும் நன்மதிப்பைச் சம்பாதித்துள்ள தயாரிப்பு நிறுவனங்களில் ஒன்றாகத் திகழ்ந்து வருகின்ற சிலோன் கோல்ட் ஸ்ரோர்ஸ் பிஎல்சி (Ceylon Cold Stores PLC – CCS), இலங்கை தேசிய தர விருதுகள் 2023 நிகழ்வில், பாரிய உற்பத்திப் பிரிவின் கீழ் வெற்றியாளர் விருதைப் பெற்றுக்கொள்ளும் நிறுவனமாகப் பெயரிடப்பட்டு, பாரிய தேசிய சாதனையொன்றை நிலைநாட்டியுள்ளது. 2025 நவம்பர் 11 அன்று சினமன் லேக்சைட் ஹோட்டலில் இலங்கை கட்டளைகள் நிறுவனத்தால் (Sri Lanka Standards Institution – SLSI) இந்நிகழ்வு ஏற்பாடு செய்யப்பட்டிருந்ததுடன், நிறுவனரீதியான மகத்துவத்தைப் பொறுத்தவரை அதியுச்ச மட்டத்திலான தேசிய அங்கீகாரமாக இவ்விருது காணப்படுகின்றது. நாட்டில் உற்பத்தித் துறையில் தரம், புத்தாக்கம், மற்றும் செயல்பாட்டு மகத்துவம் ஆகியவற்றின் தரஒப்பீடாக CCS திகழ்ந்து வருவதை இது மேலும் வலுப்படுத்தியுள்ளது.
1866ம் ஆண்டு முதல் இயங்கி வரும் வரலாற்றுச் சிறப்பைக் கொண்ட சிலோன் கோல்ட் ஸ்ரோர்ஸ் பிஎல்சி, நம்பிக்கை, கைவினைத்திறன், மற்றும் தராதரங்களை மேம்படுத்துவதில் ஓயாத அர்ப்பணிப்பு ஆகியவற்றின் அடிப்படைகளைக் கொண்ட பாரம்பரியத்தைக் கட்டியெழுப்பியுள்ளது. புகழ்பூத்த எலிபன்ட் ஹவுஸ் பானங்களின் தயாரிப்பு வரிசை மற்றும் பதப்படுத்தப்பட்ட உணவு வகைகளுக்கு பெயர்பெற்று விளங்கும் நிறுவனமாகிய CCS, உலகத்தரம் வாய்ந்த உற்பத்தி நடைமுறைகள், புள்ளி விபரங்களின் அடிப்படையில் தீர்மானங்களை மேற்கொள்ளல், மற்றும் புத்தாக்கம் தொடர்பாக முன்னோக்குச் சிந்தனை கொண்ட அணுகுமுறை ஆகியவற்றினூடாக இலங்கையில் விரைவாக விற்பனையாகும் நுகர்வோர் தயாரிப்புக்கள் துறையை வளர்ச்சி பெறச் செய்வதில் தொடர்ந்தும் உழைத்து வருகின்றது. கண்டிப்பான தரக் கட்டமைப்புக்கள், வலுவான நிர்வாக ஆட்சி, மற்றும் மிகச் சிறந்த சர்வதேச நடைமுறைகளுடன் ஒன்றிய உற்பத்திக் கட்டமைப்புக்கள் ஆகியவற்றின் வலுவான அத்திவாரத்துடன், தனது நீண்ட கால நன்மதிப்பை தொடர்ந்தும் சிறப்பாகக் கட்டிக்காத்து வருகின்றது.
செயல்திறன் மகத்துவம் மற்றும் தொடர்ச்சியான மேம்பாடு ஆகியவற்றில் CCS நிறுவனம் எந்த அளவுக்கு ஆழமாக வேரூன்றியுள்ள கலாச்சாரத்தைக் கொண்டுள்ளது என்பதற்கு இலங்கை தேசிய தர விருதை வென்றமை சிறந்ததொரு எடுத்துக்காட்டு. நிறுவனத்தின் அணுகுமுறையில், நவீன உற்பத்தித் தொழில்நுட்பங்கள், வலுவான தர நிர்ணய கட்டமைப்புக்கள், நிலைபேற்றியல் கொண்ட செயல்பாட்டு நடைமுறைகள், மற்றும் புள்ளி விபரங்களை முன்னிலைப்படுத்திய ஆழமான அறிவுடன் கட்டியெழுப்பப்பட்ட நடைமுறை உச்சப்பயனாக்கம் ஆகியன ஒருங்கிணைக்கப்பட்டுள்ளன. உணவு மற்றும் பான வகை உற்பத்தித் துறைகளில் முன்னோடி என்பது மாத்திரமன்றி, பரந்த தேசிய கைத்தொழில் கட்டமைப்பின் மத்தியிலும் CCS தனித்துவம் மிக்கது என்பதை இங்த அங்கீகாரம் புலப்படுத்துகின்றது. கண்டிப்பான தேசிய தரஒப்பீட்டு நியமங்களை நிலைநாட்டும் மற்றும் அதற்கும் அப்பாற்பட்டு சிறப்பாகச் செயற்படுவதில் தனது தொடர்ச்சியான ஆற்றலை இதன் மூலமாக எடுத்துக்காட்டியுள்ளது.
ஜோன் கீல்ஸ் நுகர்வோர் உணவுகள் துறையின் தலைவர் தமிந்த கம்லத் அவர்கள் இச்சாதனை குறித்து கருத்து தெரிவிக்கையில், “தரம் மற்றும் செயல்பாட்டு மகத்துவம் ஆகியவற்றில் அதியுயர் மட்டத்தில் தராதரங்களைக் கட்டிக்காப்பதில் அயராது உழைக்கும் சிலோன் கோல்ட் ஸ்ரோர்ஸ் அணிகளின் அதிசிறந்த அர்ப்பணிப்பை இந்த தேசிய அங்கீகாரம் பிரதிபலிக்கின்றது. புத்தாக்கம் மற்றும் செயல்முறை மகத்துவம் ஆகியவற்றின் மீதான வலுவான குறிக்கோள் எப்போதும் CCS நிறுவனத்தை வழிநடாத்தி வருவதுடன், எமது ஆற்றல்களை மேலும் வலுப்படுத்தி, உள்ளூர் மற்றும் சர்வதேச எதிர்பார்ப்புக்களை நிறைவேற்றும் வகையிலான தயாரிப்புக்களை வழங்குவதில் நாம் தொடர்ந்தும் மேற்கொண்டு வருகின்ற முயற்சிகளை இந்த விருது மேலும் நிரூபித்துள்ளது.”
சிலோன் கோல்ட் ஸ்ரோர்ஸ் பிஎல்சி நிறுவனத்தின் வழங்கல் சங்கிலிக்கான தலைவர் சஞ்சீவ ஜெயசுந்தர அவர்கள் இச்சாதனைக்குப் பின்னாலுள்ள செயல்பாட்டு அத்திவாரம் குறித்து சுட்டிக்காட்டி கருத்து வெளியிடுகையில், “வெற்றியாளர் விருது என்ற அங்கீகாரத்தைச் சம்பாதித்துள்ளமை, கடந்த காலங்களில் நாம் கட்டியெழுப்பியுள்ள ஒழுங்குபடுத்தப்பட்ட கட்டமைப்புக்கள், தொடர்ச்சியான மேம்பாட்டைக் கொண்ட கலாச்சாரம், மற்றும் உலகத்தரம் வாய்ந்த உற்பத்தி நடைமுறைகள் ஆகியவற்றை மீண்டும் உறுதிப்படுத்துகின்றது. தரம் மற்றும் நம்பிக்கை என்று வரும் போது ஏனைய நிறுவனங்களுக்கு முன்மாதிரியான தராதரங்களை நிலைநாட்டுவதில் CCS தொடர்ந்தும் சிறப்பாகச் செயல்படுவதை உறுதிப்படுத்துவதில் அர்ப்பணிப்புடன் உழைத்து வருகின்ற எமது உற்பத்தி மற்றும் வழங்கல் சங்கிலி செயல்பாடுகள் அணிகளின் அங்கத்தவர்கள் அனைவருமே இச்சாதனைக்குச் சொந்தக்காரர்கள் என்றால் அது மிகையாகாது. எமது மதிப்புச் சங்கிலியின் ஒவ்வொரு கட்டத்திலும் எமது நடைமுறைகளை மேம்படுத்தி, நவீன தொழில்நுட்பங்களை கைக்கொண்டு, மற்றும் மகத்துவத்தை முன்னெடுப்பதற்கு நாம் தொடர்ந்தும் உழைப்போம்.”
இந்த தேசிய கௌரவத்தை சிலோன் கோல்ட் ஸ்ரோர்ஸ் பிஎல்சி போற்றிக் கொண்டாடும் இவ்வேளையில், மூலோபாய ரீதியான புத்தாக்கம், நிலைபேற்றியல் கொண்ட செயல்பாடுகள், மற்றும் சர்வதேச ரீதியாக ஒன்றியுள்ள தர நடைமுறைகள் ஆகியவற்றினூடாக தனது தலைமைத்துவ ஸ்தானத்தை மேலும் வலுப்படுத்துவதில் இந்நிறுவனம் தொடர்ந்தும் கவனம் செலுத்தியுள்ளது. CCS ன் மகத்துவம் மிக்க பயணத்தில் மற்றுமொரு சாதனை மைல்கல்லாக இவ்விருது காணப்படுவதுடன், இலங்கை நுகர்வோரின் எதிர்வரும் தலைமுறைகளுக்கும் நம்பிக்கைமிக்க, உயர் தர தயாரிப்புக்களை வழங்குவதில் தனது அர்ப்பணிப்பை மீண்டும் உறுதிப்படுத்தியுள்ளது.
