இலங்கை உற்பத்தியை உலகளாவிய மேன்மைக்கு உயர்த்துவதில் தலைமை தாங்கியமைக்காக மலிபன் குழுமத்தின் தலைவரான குமுதிகா பெர்னாண்டோ அவர்கள், 2025ம் ஆண்டுக்கான சிறந்த தலைமை நிர்வாக அதிகாரிகளுக்கான விருதுகள் நிகழ்வில் அங்கீகரிக்கப்பட்டார். மலிபன் நிறுவனத்தின் செயற்பாட்டு பெறுபேற்றுத்திறனை வலுப்படுத்துவதிலும், அதன் சர்வதேச காற்தடத்தை விரிவுபடுத்துவதிலும், நாடு கடந்து எதிரொலிக்கும் ஒரு வர்த்தகநாம பிரசன்னத்தைத் தோற்றுவிப்பதிலும் வழிகாட்டியுள்ள அதேவேளை, இளைஞர்களின் அபிலாஷை மற்றும் தேசிய பெருமைக்கான தளமாக விளையாட்டில் தொடர்ந்து முதலீடு செய்வதிலும் அவரது முக்கிய பங்கை இந்த அங்கீகாரம் பிரதிபலிக்கிறது.
குமுதிகா பெர்னாண்டோ அவர்கள் குழுமத்தின் முகாமைத்துவம் மற்றும் செயற்பாடுகளை மேற்பார்வையிடுவதில் கடந்த காலங்களில் முக்கிய பங்கு வகித்து வந்துள்ளார். தயாரிப்பு பல்வகைப்படுத்தல் விரிவாக்கம், ஏற்றுமதி விரிவாக்கம் மற்றும் புதிய சந்தைகளில் காலடியெடுத்து வைத்தல் ஆகியவற்றின் மூலம் குறிப்பிடத்தக்க வளர்ச்சியை முன்னெடுத்துள்ளார். தரம் மற்றும் மகத்துவத்தில் சிறந்து விளங்கும் மலிபன் குடும்ப பாரம்பரியத்தில் இவ்வர்த்தகநாமம் வலுவாக காலூன்றியுள்ளதை அவருடைய தலைமைத்துவம் உறுதிசெய்துள்ளதுடன், விரிவாக்கம், பொருத்தம் மற்றும் புதிய அடைவுமட்டங்களை நோக்கிய புதிய எல்லைகளை நோக்கி நிறுவனத்தை சிறப்பாக வழிநடத்திச் செல்கிறது.
அவரது தலைமைத்துவத்தின் கீழ் திருப்புமுனையை ஏற்படுத்திய ஒரு மைற்கல்லாக, Reliance Retail Ventures ன் விரைவாக விற்பனையாகின்ற நுகர்வோர் தயாரிப்புக்கள் சார்ந்த துணை நிறுவனமான Reliance Consumer Products Ltd உடனான மலிபனின் முக்கியத்துவம் வாய்ந்த கூட்டாண்மை காணப்படுகின்றது. இந்த ஒத்துழைப்பின் மூலம், ரிலையன்ஸ் கொண்டுள்ள விசாலமான சில்லறை வர்த்தக வலையமைப்பு மூலம் இந்திய சந்தைக்கான பரந்த அணுகல் வாய்ப்பினை மலிபன் பெற்றுக்கொண்டது. இது வர்த்தகநாமத்தின் பிராந்திய விரிவாக்கப் பயணத்தில் ஒரு பாரிய மூலோபாய முன்னேற்றத்தைக் குறித்து நிற்பதுடன், பாரிய சர்வதேச மேடைகளில் நம்பிக்கையுடன் போட்டியிடும் மலிபனின் இலட்சியத்தையும் வலுப்படுத்துகிறது.
85 கிலோவுக்கு கீழ்ப்பட்ட உடல் எடையுள்ள நியூசிலாந்து ரக்பி அணியின் வரலாற்று சிறப்புமிக்க இலங்கை சுற்றுப்பயணத்திற்கும், வளர்ந்து வரும் மோட்டார் விளையாட்டு திறமைசாலியான யெவான் டேவிட் அவர்களுக்கும் அனுசரணை வழங்கியுள்ளதன் மூலம், ஒரு அனுசரணையாளராகவும், தேசத்தை ஊக்குவிக்கும் இளம் திறமையாளர்களின் தீவிர ஆதரவாளராகவும் விளையாட்டுத் துறையில் மலிபன் நிறுவனத்தின் பங்கை அவரது தலைமைத்துவம் வலுப்படுத்தியுள்ளது.
இந்த அங்கீகாரத்தின் மூலம், உலகத் தரம் வாய்ந்த உற்பத்தி மற்றும் சந்தை விரிவாக்கம் மூலம் மட்டுமல்லாமல், ஒழுக்கம், இலட்சியம் மற்றும் வாய்ப்பை அடுத்த தலைமுறை மத்தியில் ஊக்குவிக்கும் ஒரு சக்தியாக விளையாட்டை முன்னிறுத்துவதன் மூலம், சர்வதேச அளவில் உயர்ந்து நிற்கும் ஒரு இலங்கை வர்த்தகநாமத்தை உருவாக்குவதற்கான அதன் அர்ப்பணிப்பை மலிபன் மீண்டும் உறுதிப்படுத்தியுள்ளது.
